शाळा-महाविद्यालये असा साजरा करणार योग दिवस!

पुणे - यंदा प्रत्यक्षात आपल्या मित्र-मैत्रीणी, सहकारी, आप्त यांच्यासमवेत आंतरराष्ट्रीय योग दिवस (ता.२१) साजरा करणे अशक्य असले तरी व्हर्च्युअली मात्र हा दिवस साजरा करण्याचे नियोजन करण्यात येत आहे.

- ताज्या बातम्यांसाठी डाऊनलोड करा ई-सकाळचे ऍप

योग प्रशिक्षण देणाऱ्या संस्था संघटनांनी झूम, गुगल मिटिंग,वेबिनार अशा विविध प्रकारच्या व्हिडिओ कॉन्फरन्सच्या सहाय्याने एकमेकांच्या साक्षीने योग दिवस साजरा करण्याचे ठरविले आहे. दरवर्षी शाळांमध्ये मोठ्या प्रमाणात योग दिवस साजरा केला जातो. यंदाही हा दिवस साजरा होणार आहे, फक्त त्याचे स्वरूप डिजीटल असणार आहे. शाळांनी व्हिडिओ, वेबिनार, पीपीटीच्या सहाय्याने मुलांनी घरा-घरात योग करावेत, अशा सूचना दिल्या आहेत. 

दुबईतील दिर्हाम आले पुणेकरांच्या मदतीला; पाहा काय केलंय त्यांनी!

केंद्रीय माध्यमिक शिक्षण मंडळाच्या वतीने (सीबीएसई) 'योग आरोग्य आणि सुसंवाद यासाठी' या संकल्पनेवर आधारित ऑनलाइन प्रश्नमंजूषा स्पर्धा आयोजित करण्यात आली आहे. 

- पुण्याच्या बातम्या वाचण्यासाठी येथे ► क्लिक करा

डेक्कन एज्युकेशन सोसायटीच्या नवीन मराठी शाळेच्या मुख्याध्यापिका कल्पना वाघ म्हणाल्या,"मुलांना योगासने करायला यासाठी पीपीटी तयार करण्यात आले आहेत. संस्थेतर्फे योग विषयावर वेबिनार आयोजित केला असून त्यामध्ये सर्वाना सहभाग घेता येणार आहे. तसेच विद्यार्थी स्वतः योगासनाचे व्हिडिओ पाठवत आहेत."

- लॉकडाऊन शिथील होताच आत्महत्यांच्या घटना वाढल्या; काय आहेत याची कारणे?

नूतन मराठी विद्यालयाच्या (मुलांचे) मुख्याध्यापिका संजीवनी ओमासे म्हणाल्यां, "विद्यार्थी व पालकांना घरात राहून योगा करता यावीत, म्हणुन् व्हिडिओ पाठविले आहेत."

 "आंतरराष्ट्रीय योग दिनानिमित्त इन्स्टिट्यूट ऑफ फार्मसीच्या वतीने 'राजयोग मेडिटेशन फॉर हेल्दी लाईफ इन कोविड १९ एपिडेमिक' विषयावर वेबिनारचे आयोजन केले असल्याची माहीती प्राचार्य डॉ. व्ही. एन. जगताप यांनी दिली. हा वेबिनार येत्या मंगळवारी (ता. २३) यू ट्यूब चॅनेलवर सकाळी ११ वाजता लाईव्ह होणार आहे. यात मनोज जोगराना ,आनंदाचारी पोनगंटी मार्गदर्शन करणार आहेत."

- 'अंतिम वर्षाच्या परीक्षेचा निर्णय...'; सरकारच्या निर्णयाबाबत विद्यार्थ्यांचं म्हणणं काय?

एआयएसएसएम कॉलेज ऑफ इंजीनियरिंग, हार्टफुलनेस इन्स्टिट्युट आणि आयुष मंत्रालय यांच्या वतीने 'हार्टफुलनेस योगाथॉन'चे आयोजन केले आहे. तसेच संगीत, योगविषयी चर्चा आणि एकत्रित ध्यान असे कार्यक्रम ऑनलाइनद्वारे होणार आहेत. यामध्ये सहभागी होणाऱ्यांना प्रमाणपत्र देण्यात येणार आहे.