सुरक्षारक्षकाने बिनव्याजी कर्ज मिळवून देण्याच्या आमिषाने केली अनेकांची फसवणूक

पुणे - प्रधानमंत्री धुणे भांडी कामगार योजना असून त्यात काही रक्कम गुंतविल्यास १५ दिवसात मोठ्या प्रमाणात बिनव्याजी कर्ज मंजूर करून देतो, असे सांगून सुरक्षारक्षकाने अनेकांची फसवणूक केल्याचा प्रकार समोर आला आहे. या प्रकरणी भारती विद्यापीठ पोलिसांनी सुरक्षारक्षकासह त्याच्या पत्नीला अटक केली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

हिरालाल मधुकर आगज्ञान (वय ४०) आणि सपना हिरालाल आगज्ञान (वय ३०, दोघे रा. अष्टविनायकनगर, आंबेगाव पठार) अशी अटक केलेल्यांची नावे आहेत. या करणी महेश माधव मंडावले (वय ५०, रा. अष्टविनायकनगर, आंबेगाव पठार) यांनी भारती विद्यापीठ पोलिसांकडे फिर्याद दिली आहे. आरोपी जोडप्याने मिळून हा प्रकार केला आहे. ते सांगत असलेली योजना खरी वाटावी म्हणून त्यांनी बनावट फॉर्म देखील तयार केला आहे.

'गु्ंतवणूक पुण्यातच करायची आहे'; शहर देशात टॉप-थ्रीमध्ये

साखळी पद्धतीने राबविली फसवणुकीची योजना -
पत्नीच्या व मी प्रधानमंत्री धुणे भांडी कामगार योजनेचे सरकारमान्य पद्धतीने काम पाहतो. या योजनेतून गरीब व मजुरांनी काही रक्कम गुंतवली की त्यांना भरमसाट बिनव्याजाने १५ दिवसात कर्ज मंजूर करून देतो. तुम्ही आमचे सभासद होऊन कर्ज घेतले आणि तुम्ही आणखी दोन जणांना आमच्याकडे कर्ज घेण्यासाठी आणल्यास तुम्हाला घेतलेल्या कर्जाचा एक हप्ता माफ होणार आहे, अशी साखळी पद्धतीने आम्ही योजना राबवत असल्याचे त्याने लोकांना सांगितले.

पुणे : नव्या कोविड निर्बंधांमुळं लग्नाच्या बुकिंग होताहेत रद्द: हॉल मालकांवर संक्रांत!

अशी उकळली रक्कम -
योजनेत सहभागी होण्यासाठी तो फॉर्मचे प्रत्येकी ३०० रुपये घेत. तो फॉर्म भरून घेतल्यावर आमच्याकडे १५ हजार रुपये गुंतविले तर तुम्हाला १५ लाख रुपयांचे कर्ज मिळेल, असे आमिष त्याने दाखविले. त्यानुसार काहींनी १५ हजार रुपये तर काहींनी १० हजार रुपये गुंतविले. नोव्हेबर २०२० पासून हा प्रकार सुरु झाला होता. पैसे गुंतवूनही कर्ज मिळत नसल्याने लोकांना पोलिसांकडे धाव घेतली.

आरोपी व त्याच्या पतीपत्नीने आतापर्यंत १३ जणांना तीन लाख ३२ हजार ३०० रुपयांना फसविल्याचे समोर आले आहे. त्यांनी आणखी काही जणांना फसविले असल्याची शक्यता आहे. दोघांना अटक करण्यात आली असून तपास सुरु आहे.
- वैभव गायकवाड, सहायक पोलिस निरीक्षक

Edited By - Prashant Patil