संतापजनक! पुण्यात पाच वर्षांच्या चिमुरडीवर बलात्कार; सिक्युरिटी गार्ड जेरबंद

वडगाव शेरी (पुणे) : विमाननगरमधील एका हॉटेलच्या सुरक्षारक्षकाने एका पाच वर्षांच्या चिमुरडीवर बलात्कार केल्याचा संतापजनक प्रकार उघडकीस आला आहे. विमानतळ पोलिसांनी नराधम आरोपीस अटक केली असून पीडित चिमुरडीवर रुग्णालयात उपचार सुरू आहेत. 

या प्रकरणी करण दिलीपकुमार गोस्वामी (वय.२०, रा.विमाननगर) यास पोलिसांनी अटक केली आहे. लैंगिक अपराधापासून बालकांचे संरक्षण कायद्यानुसार आरोपीवर गुन्हा दाखल करण्यात आला आहे.

- पुणेकरांसाठी मोठी बातमी; नगर हायवेवरील वाहतूक कोंडी फोडणार 'नागपूर पॅटर्न'!

विमानतळ पोलिसांनी दिलेल्या माहितीनुसार, आरोपी विमाननगर भागातील एका हॉटेलमध्ये सुरक्षा रक्षकाचे काम करतो, तर पीडित चिमुरडी आपल्या  आई-वडिलांसोबत एका लेबर कॅम्पमध्ये राहते. तिचे आई-वडील दोघेही कामाला जातात. आई-वडील कामाला गेल्यानंतर पीडित चिमुरडी घरी एकटीच असते, हे आरोपीने हेरले. दुपारी आरोपीने पाच वर्षांच्या चिमुरडीला तिच्या घरातून बाहेर बोलावले आणि तो काम करत असलेल्या हॉटेल शेजारील एका चारचाकी शोरूमच्या पार्किंगमध्ये नेऊन तिच्यावर अतिप्रसंग केला.

- राजगडावर दुर्घटना; मुंबईहून आलेल्या ट्रेकरचा दरीत पडून दुर्दैवी मृत्यू​

मुलीची आई घरी आल्यानंतर तिने मुलीला भेदरलेल्या अवस्थेत पाहिले. भेदरलेल्या चिमुरडीला विश्वासात घेऊन विचारल्यानंतर चिमुरडीने घडलेला सर्व प्रकार आईस सांगितला. त्यानंतर मुलीच्या आईने मुलीच्या वडिलांना घरी बोलावून घेतले. विमानतळ पोलिसांना हा प्रकार  समजल्यानंतर आरोपीची ओळख पटवून त्याला ताब्यात घेण्यात आले. या चिमुरडीवर सध्या पुण्यातील एका सरकारी रुग्णालयात उपचार करण्यात येत आहेत. 

- पुण्याच्या बातम्या वाचण्यासाठी येथे ► क्लिक करा