पुण्यात वरात काढण्याची हौस वर पित्याच्या आली अंगलट

नारायणगाव : मुलाच्या विवाहप्रसंगी बेकायदेशीर डीजे वाद्य वाजवून, सोशल डिस्टन्सचे पालन न करता वरात काढल्या प्रकरणी नारायणगाव पोलिसांनी डीजे वाहन मालक, चालक व कार्यमालक आशा तीन जणांवर गुन्हा दाखल केला आहे. सुमारे चौदा लाख रुपये किंमतीचे डीजे वाहन  पोलिसांनी जप्त केले आहे.या मुळे मुलाच्या विवाह प्रसंगी डीजे वाद्य वाजवुन वरात काढण्याची हौस पारगाव (ता. जुन्नर) येथील वर पित्याच्या चांगलीच अंगलट आली आहे.

देहू ग्रामपंचायतीचं नगरपंचायतीमध्ये रूपांतर; उपमुख्यमंत्र्यांनी केलं जाहीर

या प्रकरणी डिजे मालक निलेश बाळासाहेब शिंदे( राहणार वळती,ता.आंबेगाव जि पुणे 2) आषिश संदीप डोके( राहणार महाळुंगे पडवळ ता. आंबेगाव) व  कार्यमालक  पुंजाराम दाजीबा अडागळे( राहणार पारगाव,ता.जुन्नर) यांच्यावर गुन्हा दाखल केला आहे. अशी माहिती नारायणगाव पोलीस ठाण्याचे सहायक पोलिस निरीक्षक डी. के.गुंड यांनी दिली.

पारगाव येथील कावळ पिंपरी गावात विवाह समारंभ निमित्त ९ डिसेंबर २०२० रोजी सायंकाळी ७ वाजण्याच्या सुमारास मोठया आवाजात डिजे वाद्य  वाजवून सोशल  डिस्टन्सचे उल्लंघन करून सुमारे सत्तर तरुण गाण्याच्या तालावर नाचत असल्याची माहीती पोलिसांना मिळाली होती.त्या नुसार सहायक पोलिस निरीक्षक गुंड यांच्या मार्गदर्शनाखाली पोलीस पथक घटनास्थळी गेले असता  कावळ पिंपरी रोडवर रस्त्याचे कडेला  मोठया आवाजात कर्कष आवाजात डीजेच्या तालावर विनामास्क ,सोशल  डिस्टन्स न राखता सुमारे सत्तर तरुण नाचत असल्याचे दिसून आले.

- पुणे, पिंपरी-चिंचवड बाहेरील प्रवाशांनो इकडे लक्ष द्या, पीएमपीचे 12 मार्ग सुरू होणार

चौकशी केली असता अडागळे यांनी विवाह समारंभासाठी पोलीस परवानगी घेतली होती. मात्र  परवानगीत दिलेल्या अटींचे पालन केले नसल्याचे आढळून आले.या वरून पोलिसांनी डीजे वाहन मालक ,चालक व कार्यमालक आशा तीन जणांवर गुन्हा दाखल केला.तसेच चौदा लाख रूपये किमतीचे वाहन व डीजे साहित्य जप्त केले.पोलीस अधिक्षक  डाॅ.अभिनव देषमुख, अप्पर पोलीस अधिक्षक विवेक पाटील,उपविभागीय पोलीस अधिकारी मंदार जवळे यांचे मार्गदर्शनाखाली पोलीस निरीक्षक गुंड यांनी ही कारवाई केली.

(संपादन : सागर डी. शेलार)