अपघातात वडिलांचा मृत्यू अन् मुलावर दाखल झाला गुन्हा

पुणे : भरधाव कार दुभाजकावर धडकून झालेल्या अपघातात ज्येष्ठ नागरिकाचा मृत्यू झाला. या प्रकरणी कारचालक मुलावर वानवडी पोलिसांत गुन्हा दाखल करण्यात आला आहे. पांडुरंग कुलकर्णी (वय 75) असे मृत व्यक्तीचे नाव आहे.

ते त्यांचा मुलगा आणि सुनेसह कारमधून सोमवारी रात्री पुणे-सोलापूर रस्त्याने चालले होते. यावेळी मुलगा संजय कुलकर्णी (वय 49, रा.तळेगाव) गाडी चालवत होता. भरधाव असलेली त्याची गाडी रस्ता दुभाजकाला धडकली. या अपघातात पांडुरंग यांचा जागीच मृत्यू झाला. तर त्यांचा मुलगा संजय आणि सून किरकोळ जखमी झाले.

- ट्रम्प आणि एलियन्सची युती? इस्त्राईलच्या माजी अंतराळ प्रमुखांचा धक्कादायक दावा​

पांडुरंग यांच्या पेन्शनच्या कामासाठी हे सर्वजण सोलापूरला गेले होते. तेथून परतत असताना हा अपघात झाला. अपघातात जखमी झाल्यानंतर ते सर्व रिक्षाने एका खासगी रुग्णालयात गेले. तेथे पांडुरंग यांना मृत घोषित करण्यात आले. तर संजय आणि त्यांच्या पत्नी हर्षदा यांना प्राथमिक उपचार करून सोडण्यात आले.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)