पुणे : विवाहाचे आमिष दाखवून ज्येष्ठ नागरिकाची साडेअकरा लाख रुपयांची फसवणूक करण्यात आली. याप्रकरणी सायबर चोरट्यांविरुद्ध बिबवेवाडी पोलिस ठाण्यात गुन्हा दाखल करण्यात आला आहे. .याप्रकरणी ८५ वर्षीय ज्येष्ठ नागरिकाने बिबवेवाडी पोलिस ठाण्यात फिर्याद दिली आहे. त्यावरून सायबर चोरट्यांविरुद्ध गुन्हा दाखल केला आहे. पोलिसांनी दिलेल्या माहितीनुसार, फिर्यादी सेवानिवृत्त असून, ते बिबवेवाडी परिसरात राहतात. त्यांच्या पत्नीचे काही वर्षांपूर्वी निधन झाल्याने ते सध्या एकटेच राहतात. .त्यामुळे त्यांनी पुनर्विवाह करण्याचे ठरविले होते. त्यानुसार, त्यांनी १८ एप्रिलला विवाह नोंदणीबाबतच्या एका संकेतस्थळावरील मोबाईल क्रमांकावर संपर्क साधला. त्यावेळी त्यांना एका महिलेचा संपर्क क्रमांक देण्यात आला. त्यांनी संपर्क केला असता त्या महिलेने फिर्यादीस ती ५७ वर्षांची असल्याचे सांगत फिर्यादीला विवाहाचे आमिष दाखवून संवाद वाढविला..दरम्यान, संबंधित महिलेने तिची मावसबहीण आजारी असल्याने आपण कोल्हापूरला आलो आहोत. आपला अपघात झाला असून, उपचारांसाठी तातडीने पैसे लागत आहेत, पुण्यात परतल्यावर पैसे परत करीन, असे सांगितले. त्यामुळे फिर्यादीने महिलेच्या बॅंक खात्यात वेळोवेळी ११ लाख ४५ हजार रुपये जमा केले. त्यानंतर तिने वेगवेगळी कारणे सांगून पैसे देण्यास टाळाटाळ केली. फसवणूक झाल्याचे लक्षात येताच, ज्येष्ठ नागरिकाने पोलिस ठाण्यात तक्रार दाखल केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
