पुणे : पुणे महापालिकेचा मिळकतकर भरून त्यावर दहा टक्क्यांपर्यंत सवलत घेण्याची मुदत आज संपत असताना महापालिकेचा सर्व्हर ठप्प झाला. त्यामुळे नागरिकांना कर भरता आला नाही. महापालिका भावनासह अन्य मिळकतकर भरणा केंद्रांवर नागरिकांच्या रांगा लागल्या होत्या. त्यामुळे महापालिकेने सवलतीने मिळकत कर भरण्याची मुदत सात जुलैपर्यंत वाढविण्याचा निर्णय घेतला आहे, अशी माहिती पुणे महापालिकेच्या मिळकत कर विभागाचे उपायुक्त अविनाश सकपाळ यांनी दिली.