Sharad Mohol Dead: शरद मोहोळ हत्याप्रकरणात ६ आरोपींना ५ दिवसांची पोलीस कोठडी तर वकिलांना...

Sharad Mohol Dead: पुण्यातून गुंड शरद मोहोळच्या हत्येची खळबळजनक घटना काल (शुक्रवार) समोर आली होती. शुक्रवारी गुंड शरद मोहोळ याची त्याच्याच टोळीतील सदस्यांनी गोळ्या झाडून हत्या केली होती. याबाबत माहिती देताना पोलीस अधिकाऱ्यांनी सांगितले की, एका वाहनातून 8 आरोपींना अटक करण्यात आली. पोलीस आरोपींची चौकशी करत आहेत.

दरम्यान कुख्यात गुंड शरद मोहोळ हत्या प्रकरणात ६ आरोपींना ५ दिवसांची पोलीस कोठडी सुनावली आहे. मुख्य आरोपीसह ५ आरोपींना १० जानेवारीपर्यंत पोलीस कोठडी सुनावण्यात आली आहे. तर अटक केलेल्या दोन वकिलांना ३ दिवसांची पोलीस कोठडी सुनावण्यात आली आहे. (Pune Crime News)

पुण्यातील कोथरूड येथील सुतारदरा परिसरात गँगस्टर शरद मोहोळ याच्यावर तीन ते चार हल्लेखोरांनी गोळ्या झाडल्या. पोलीस अधिकाऱ्याने दिलेल्या माहितीनुसार, शरद मोहोळ यांच्या छातीत गोळी लागली. शरद मोहोळच्या उजव्या खांद्यावर दोन गोळ्या लागल्या. त्यानंतर गुंड शरद मोहोळ याला कोथरूड येथील खासगी रुग्णालयात उपचारासाठी दाखल केले असता त्याचा मृत्यू झाला.

पोलिसांनी दिलेल्या माहितीनुसार, मुख्य आरोपी साहील उर्फ मुन्ना पोळेकर आणि इतर दोन जणांनी रस्त्यावर गोळीबार केला. मुन्ना पोळेकर हा शरद मोहोळ याच्याबरोबर फिरायचा. आरोपी साहिल याचा मामा नामदेव महिपती कानगुडे दुसरा एक नातेवाईक विठ्ठल किसन गांडले. या दोघांचे शरद मोहोळसोबत वैमनस्य होते. यामुळे प्रकरणात हल्ला झाल्याचे प्राथमिक माहिती पोलिसांना दिली.