Sharad Ponkshe : अभिनेते शरद पोंक्षे यांच्या विरोधात पुण्यात तक्रार!
पुणे : जाहीर कार्यक्रमात हिंदू समाजाबाबत वादग्रस्त विधान केल्याप्रकरणी अभिनेते शरद पोंक्षे यांच्याविरोधात पुण्यातील डेक्कन पोलीस ठाण्यात तक्रार दाखल करण्यात आली आहे. महाराष्ट्र प्रदेश काँग्रेस कमिटी सोशल मीडिया व सहकार विभागाकडून ही तक्रार दाखल करण्यात आली आहे. (Sharad Ponkshe Complaint filed against actor Sharad Ponkshe in Pune)
तक्रारीत म्हटलं की, डोंबिवली येथे झालेल्या एका कार्यक्रमात पोंक्षे यांनी 'अहिंसा परमो धर्म:'चे एवढे ढोस आम्हाला पाजले की, "हा हिंदू समाज अहिंसक होता होता नपुसंक कधी झाला हे आम्हाला कळलचं नाही" असे वक्तव्य केलं. "हिंदू कधी नपुंसक झाला हे कळालंच नाही" असं विधान करत त्यांनी हिंदूंना चिथावणी दिली आहे. पोंक्षेंनी मागील महिन्यात पुण्यातील गणेश कला क्रीडा मंच येथे झालेल्या कार्यक्रमात काँग्रेसचे माजी अध्यक्ष राहुल गांधी यांच्यावर देखील टीका केली होती.
त्यामुळं वादग्रस्त आणि चिथावणीखोर विधानाविरोध भारतीय दंड संहिता कलम 298, कलम 295(अ), कलम 153(ब) नुसार शरद पोंक्षेंवर कारवाई करण्यात यावी अशी मागणी काँग्रेसनं केली आहे. काँग्रेसचे पदाधिकारी बळीराम डोळे, शकाका मारकड, श्रीविजय हुलवान, योगेश फुले आदींनी ही तक्रार दिली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.