कुरकुंभ : दौंड तालुक्यातील कुरकुंभ औद्योगिक वसाहतीत बुधवारी (ता. 28) दुपारी साडेचारच्या सुमारास रस्त्याने वाहणारे केमिकलमिश्रीत सांडपाणी प्यायल्याने पाटस मोटेवाडा येथील मेंढपाळांच्या अकरा मेंढ्यांचा मृत्यू झाला आहे. आणखी ही संख्या वाढण्याची शक्यता आहे. मेलेल्या मेंढयांची अंदाजे अडीच लाख रूपये नुकसान झाले आहे. मात्र कोणत्या कंपनीने उघडयावर सोडलेल्या सांडपाण्यामुळे मेंढ्यांचा मृत्यू झाल्याचे समजू शकले नाही.
पुण्याच्या बातम्या वाचण्यासाठी येथे ► क्लिक करा
पाटस (ता. दौंड) मोटेवाडा येथील मेंढपाळ रामा शिवा बरकडे, लाला आबा बरकडे हे कुरकुंभ औद्योगिक वसाहतीच्या परिसरातील मोकळ्या शेतांमध्ये मेंढ्या चारून रस्त्याने जात होते. त्यावेळी मेंढ्या वसाहतीतील रस्त्याने वाहणारे केमिकलमिश्रीत सांडपाणी पेल्याने काही वेळातच अकरा मेंढयांचा पोट फुगून मृत्यू झाला.
दरम्यान, ही संख्या आणखी वाढण्याची भिती मेंढपाळांनी व्यक्त केली आहे. अकरा मेंढ्या मेल्याने अंदाजे अडीच लाखाचे नुकसान झाले आहे. ही घटना वसाहतीतील मिरा केमिकल कंपनीच्याजवळ घडली आहे. मात्र रस्त्याने वाहणारे केमिकलमिश्रीत सांडपाणी कोणत्या कंपनीचे आहे ते समजू शकले नाही.
प्रशासनाने केमिकलमिश्रीत पाणी पिऊन मृत्यू झालेल्या मेंढ्याचा त्वरित पंचनामा करून नुकसान भरपाई द्यावी. तसेच प्रदुषण नियंत्रण मंडळाच्या अधिकाऱ्यांनी घटनास्थळी भेट देऊन चौकशी करून दोषी कंपनीविरुद्ध कारवाई करण्याची मागणी ग्रामस्थांकडून होत आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
