आषाढी वारीसाठी शिवछत्रपतींच्या पादुकांचे रायगडाकडे प्रस्थान

आषाढी वारीसाठी शिवछत्रपतींच्या पादुकांचे रायगडाकडे प्रस्थान

जुन्नर : पंढरपूरच्या आषाढी वारीत सहभागी होण्यासाठी छत्रपती शिवाजी महाराजांच्या पादुकांचे किल्ले शिवनेरीहून रायगडच्या दिशेने आज गुरुवारी ता. २४ रोजी प्रस्थान झाले. शिवछत्रपतींच्या पालखी सोहळ्याचे यंदाचे सातवे वर्ष आहे. श्री शिवछत्रपतींच्या पादुकांवर पवमान अभिषेक व रुद्राभिषेक झाल्यानंतर शिवाई देवीची महापूजा, महाद्वार पूजन झाल्यानंतर सोहळा रायगडच्या दिशेने प्रतिकात्मक हजार पावले चालून पुढे वाहनाने मार्गस्थ झाला.

आषाढी वारीसाठी शिवछत्रपतींच्या पादुकांचे रायगडाकडे प्रस्थान
पथारी व्यावसायिक ‘रस्त्यावर’; पुणे महापालिकेकडून दंडासह शुल्क भरण्याच्या नोटिसा

शिवनेरीहून निघालेल्या पादुका मंचर, खेड, पुणे मार्गे श्री शंभुराजांच्या जन्मभूमी असलेल्या पुरंदर गडावर विसावा घेऊन पुढे राज्याभिषेक महोत्सवासाठी रायगडला पोचतील. कोरोना महामारीच्या पार्श्वभूमीवर केवळ पाचच शिवभक्त शिवाई देवीच्या चरणांशी विसावलेल्या पादुकांची प्रस्थान पूजा करुन जुन्नरहून घेऊन गेले आहेत. शक्ति परंपरेतील शिवरायांच्या पादुका दरवर्षी आषाढी वारीच्या निमित्ताने भक्तिसागरात सामील होण्यासाठी शिवनेरीहुन संग्रामदुर्ग, मल्हारगड, पुरंदर, रायरेश्वर असा प्रवास करून रायगडला जातात. राज्याभिषेकापासून पुढील पाच दिवस रायगडावरच विसावा घेऊन ज्येष्ठ वद्य चतुर्थीला श्रीक्षेत्र पंढरपूरच्या दिशेने प्रस्थान करतात. आषाढी वारी पूर्ण झाल्यानंतर पुढील वर्षभरासाठी पादुका शिवजन्मभूमीत परत येतात.

आषाढी वारीसाठी शिवछत्रपतींच्या पादुकांचे रायगडाकडे प्रस्थान
पुणे - आंबिल ओढा इथं आंदोलकाचा आत्मदहनाचा प्रयत्न

कोरोनामुळे शिवाई देवीच्या चरणांशी असलेल्या शिवछत्रपतींच्या पादुका घेऊन जाण्याची सेवेची संधी यावर्षी योगऋषी सुधीर इंगवले, ऍड. भाऊसाहेब शिंदे, ऍड. राहुल कदम, साहिलबुवा शेख व पलाश देवकर यांना मिळाली आहे. कोरोनाचे नियम-निर्बंध पाळून सोहळ्यास यशस्वी करण्यासाठी स्थानिक पातळीवर संदीप ताजणे, नेत्राली ताजणे, संतोष परदेशी, कल्पेश परदेशी, केदार पुरवंत, हर्षवर्धन कुर्हे, सुशांत शिंदे, सूरज खत्री यांनी परिश्रम घेतले.

आषाढी वारीसाठी शिवछत्रपतींच्या पादुकांचे रायगडाकडे प्रस्थान
पिंपरी शहरातील सर्व दुकाने सोमवारपासून सायंकाळी सात वाजेपर्यंत राहणार सुरू

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com