उरुळी कांचन - एका ३५ वर्षीय महिलेने आपल्या दोन महिन्यांच्या दोन जुळ्या बाळांसह घराच्या छतावर असणाऱ्या पाण्याच्या टाकीत उडी मारून आत्महत्येचा प्रयत्न केला. या घटनेत ग्रामस्थांच्या प्रसंगावधानाने महिला वाचली परंतु, दोन जुळ्या मुलांचा मृत्यू झाला.
ही घटना थेऊर येथील दत्तनगर परिसरात मंगळवारी (ता. ८) सकाळी ७ वाजण्याच्या सुमारास घडली. प्रतिभा हेमंत मोहिते (वय ३५, रा. दत्तनगर, थेऊर, ता. हवेली ) असे आत्महत्याचा प्रयत्न केलेल्या महिलेचे नाव आहे.
लोणी काळभोर पोलिसांनी दिलेल्या माहितीनुसार, प्रतिभा हेमंत मोहिते यांना पाण्यात बुडताना त्यांच्या घरासमोरील पूजा शिवशंकर स्वामी व त्यांचे पती शिवशंकर स्वामी यांनी पाहिले. त्यांनी लगेच प्रतिभा यांचा भाऊ प्रल्हाद लक्ष्मण गोंडे यांना फोनद्वारे कळवले. त्यावर प्रल्हाद गोंडे यांनी लागलीच घराच्या छतावर जाऊन प्रतिभा यांना पाण्याच्या टाकीमधून बाहेर काढले.
सदर घटनेबाबत प्रल्हाद गोंडे यांनी पोलिसांशी संपर्क साधून माहिती दिली. वरिष्ठ पोलिस निरीक्षक राजेंद्र पन्हाळे आणि त्यांचे पथक यांनी घटनास्थळाची पाहणी करून पंचनामा केला. दरम्यान, मोहिते यांचा विवाह होऊन १० वर्ष झाले होते. परंतु त्यांना अपत्य होत नव्हते. त्यानंतर मूल होण्यासाठी त्यांनी एका खासगी रुग्णालयात ट्रीटमेंट सुरु केली.
दोन महिन्यांपूर्वी त्या बाळंतपणासाठी थेऊर येथे त्यांच्या माहेरी आल्या. त्यांना दोन जुळी मुले झाली. त्या बाळांचे वजन कमी भरले. त्यामुळे मुले दगावतील याची भीती त्यांना होती तसेच ट्रीटमेंटसाठीचे इंजेक्शन सुरु असल्याने मलाच काही झाले तर मुलांकडे कोण पाहणार यामुळे मोहिते यांनी टोकाचे पाऊल उचलून आत्महत्याचा प्रयत्न केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.