पुणे: मुंढवा परिसरात ब्युटीपार्लर चालक तरुणीचा गळा आवळून खून केल्याचा धक्कादायक प्रकार उघडकीस आला आहे. गुन्हे शाखेने या प्रकरणाचा छडा लावत आरोपीला अटक केली आहे. .Education Success Story: शेतमजूर कुटुंबातील मयुरी लावंडची झेप; बारावीत ८६% गुणांसह कॉलेजमध्ये प्रथम क्रमांक, जिद्द आणि मेहनतीचा विजय! .गोरखनाथ देवराव शिंदे (वय ४४, सध्या रा. चंदननगर, मूळ रा. बीड) असे अटक केलेल्या आरोपीचे नाव आहे. आफरीन सलीम पठाण (वय २९, रा. वडगाव शेरी, मूळ रा. पालघर) असे खून झालेल्या तरुणीचे नाव आहे. या प्रकरणी आफरीनच्या लहान बहिणीने चंदननगर पोलिस ठाण्यात फिर्याद दिली होती..मुंढव्यातील केशवनगर कचरा डेपोजवळ रस्त्याच्या कडेला आफरीनचा मृतदेह आढळून आला. ससून रुग्णालयातील शवविच्छेदन अहवालात तिचा गळा दाबून खून केल्याचे स्पष्ट झाले. गुन्हे शाखेच्या दरोडा आणि वाहन चोरी विरोधी पथकाने समांतर तपास सुरू केला होता. परिसरातील सीसीटीव्ही चित्रीकरण तपासल्यानंतर आरोपी शिंदे याची मोटार दिसून आली. त्यात आफरीन बसल्याचेही उघड झाले. या माहितीच्या आधारे पोलिसांनी शिंदेला ताब्यात घेऊन चौकशी केली असता त्याने गुन्ह्याची कबुली दिली..पोलिसांनी दिलेल्या माहितीनुसार, दोघांची वर्षभरापूर्वी ओळख झाली होती. त्यांच्यात मैत्रीचे संबंध होते. आफरीनने शिंदे याच्याकडे एक लाख रुपयांची मागणी केली होती. पाच मे रोजी रात्री साडेआठच्या सुमारास दोघे खराडी बायपासवर भेटले. त्यानंतर शिंदे याने तिला ५० हजार रुपये दिले, मात्र तिने एक लाखाचा आग्रह धरला. .farmer Success Story: पहिल्याच वर्षी 20 टन केशर आंब्याचे उत्पादन; मनसेचे नेते दिलीप धोत्रे यांच्या शेतात बहरली आंबराई! .पैसे न दिल्यास कुटुंबीयांना माहिती देण्याची धमकी तिने दिली. या रागातून शिंदेने आफरीनचा गळा आवळून मृतदेह कचरा डेपोजवळ टाकून दिला. गुन्हे शाखेचे प्रभारी पोलिस उपायुक्त विवेक मासाळ, सहाय्यक आयुक्त राजेंद्र मुळीक, शंकर खटके यांच्या सूचनेनुसार पोलिस निरीक्षक सुदर्शन गायकवाड, विक्रांत सासवडकर आणि त्यांच्या पथकाने आरोपीला अटक केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
