Pune Crime
Sakal
कोथरुड : कोथरुड पोलिस ठाण्यापासून शंभर पावलांच्या अंतरावर असलेल्या मुठेश्वर गणपती जवळ मध्यरात्री झालेल्या गोळीबारात एक इसम जखमी झाला आहे. याप्रकरणात कुख्यात गुंड निलेश घायवळ टोळीतील आरोपींना पोलिसांनी ताब्यात घेतले आहे. गोळीबारीची घटना घडली तेथून जवळच कुख्यात गुंड गजानन मारणे याचे घर आहे. गाडीला पुढे जाण्यास साईड न दिल्याच्या कारणातून हा गोळीबार झाल्याचं सांगितलं जात असलं तरी हा गोळीबार कोणाला इशारा होता असा प्रश्न आता उपस्थित होत आहे.