Photos : सिंहगडानं घेतला मोकळा श्वास! पर्यटक, ट्रेकर्ससाठी पुढील आणखी 3 दिवस बंद

सिंहगड हा पुणे शहराच्या अगदीच जवळचा गड असल्यानं विकेंडसह दररोज इथं फिरायला येणाऱ्या तसंच ट्रेकर्ससाठी सर्वाधिक पसंतीचा गड आहे. पर्यटकांचा सातत्यानं ओघ असल्यानं गडावर स्थानिकांकडून मोठ्या प्रमाणावर हॉटेलिंगचा व्यवसाय सुरु करण्यात आला होता..पावलापावलावर इथं जेवणाची सोय असलेली छोटी झोपडीवजा हॉटेल्स पहायला मिळत होती. पण याच हॉटेल्सच्या भाऊगर्दीतून सिंहगडानं आता मोकळा श्वास घेतला आहे. गेल्या तीन दिवसांपासून इथं अतिक्रमणविरोधी कारवाई करण्यात येत आहे. त्यात पुढील आणखी तीन दिवस सिंहगड सर्वांसाठी बंद असणार आहे..कोणासाठी बंद असणार सिंहगड?सिंहगडावर सध्या अतिक्रमण हटाव कार्यवाही सुरू आहे. ही कार्यवाही अद्यापही सुरूच असल्यामुळं पुढील तीन दिवस म्हणजेच 31 मे 2025 ते 2 जून 2025 या कालावधीत सिंहगड सर्वसामान्य नागरिक व पर्यटकांसाठी पूर्णतः बंद राहणार आहे..या काळात पायवाटांद्वारे गडावर येणाऱ्या पर्यटकांना आणि ट्रेकर्सनाही गडावर प्रवेश दिला जाणार नाही. नागरिकांनी प्रशासनाला सहकार्य करावं, असं आवाहन करण्यात आलं आहे. .सिमेंट काँक्रीकटची कामं उद्ध्वस्तगडावर JCB किंवा अन्य मोठ्या वाहनांचा वापर शक्य नसल्यामुळं अद्याप RCC ची (रेनफोर्स्ड सिमेंट काँक्रीट) काही पक्की बांधकामं पूर्णपणे हटवणं बाकी आहे. ही सर्व कामं हातानेच करावी लागत असल्यामुळं कार्यवाहीस अपेक्षेपेक्षा अधिक वेळ लागतो आहे..प्रशासन सर्वतोपरी प्रयत्न करत असून ही कार्यवाही लवकरच पूर्णत्वास नेण्यात येईल, आणि त्यात निश्चितच यश येईल, असंही प्रशासनाकडून सांगण्यात आलं आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.