
खडकवासला : राज्यातील आर्थिकदृष्ट्या सर्वांत सक्षम मानल्या जाणाऱ्या घेरा सिंहगड संयुक्त वन संरक्षण समितीकडे तब्बल ४० कर्मचाऱ्यांचे मनुष्यबळ उपलब्ध असूनही, सिंहगडावर प्लॅस्टिक बंदीची अंमलबजावणी मागील १८ वर्षांपासून फक्त कागदावरच दिसून येते. दरवर्षी पर्यावरण दिनानिमित्त या मोहिमेचा गाजावाजा केला जातो, मात्र प्रत्यक्षात गडावरील प्लॅस्टिकच्या कचऱ्यात दिवसेंदिवस वाढ होत असून यावर उपाययोजना आवश्यक आहेत.