Gas Cylinder Shortage : गॅसअभावी धूरमुक्तीचे स्वप्न भंगले; शहरी, ग्रामीण भागातील वितरणात दुजाभाव; नागरिक संतप्त

तंत्रज्ञानाच्या युगात ‘धूरमुक्त’ होण्याचे स्वप्न पाहणाऱ्या गृहिणीला आज पुन्हा धुराशी झुंज द्यावी लागत आहे. इराण-इस्राईल युद्धाच्या पार्श्वभूमीवर गॅस पुरवठा कोलमडल्याने चुली पेटू लागल्या आहेत. गॅसपुरवठा वितरणात होणारा दुजाभाव ग्रामीण भागातील नागरिकांच्या जखमेवर मीठ चोळण्याचे काम करत असून, सर्वसामान्यांचे बजेट पूर्णपणे कोलमडले आहे.