पुणे : लोहगाव येथील जत्रा कोरोनामुळे रद्द झाल्यानंतर तेथे अडकून पडलेल्या आकाश पाळणा व इतर खेळण्यांच्या व्यवसायिकांवर उपासमारीचे संकट निर्माण झाले होते. मात्र 'सकाळ'ने याबाबत वृत्त प्रकाशित केल्यानंतर 'आशा' प्रतिष्ठानने धान्य पुरवून भोजनाची व्यवस्था केली.
पुण्याच्या बातम्या वाचण्यासाठी येथे ► क्लिक करा
जत्रा रद्द झाल्याने तेथे उभे केलेले आकाश पाळणे यासह मोठी खेळणी उतरवली जात असताना लाॅकडाऊन झाले. काही व्यवसायिक निघून गेले, तर तीन कुटुंब खेळणी सांभाळण्यासाठी तेथे राहिले. त्यांच्याकडचे पैसे संपले, धान्य संपले त्यामुळे उमेश पाटील या टँकरचालकाने स्वत: तीन कुटूंबातील १२ जणांची जबाबदारी घेऊन त्यांच्या रोजच्या जेवणाची व्यवस्था केली. मात्र पाटील यांनाही हा खर्च परवडत नव्हता. याबाबत 'सकाळा' मधून वृत्त प्रकाशित झाले. त्याची दखल घेऊन आशा प्रतिष्ठानने या व्यावसायिकांना १५ दिवसांच्या किराणा सामानाची किट दिली. यावेळी अध्यक्ष अंजली लोणकर, पुरुषोत्तम डांगी, राजकुमार पिसाळ, प्रसन्न पवार, गणेश नगरकर उपस्थित होते.
ताज्या बातम्यांसाठी डाऊनलोड करा ई-सकाळचे ऍप
"आशा प्रतिष्ठानने शहरातील झोपडपट्टीत धान्य वाटप केले आहे. लोहगाव येथील या कुटुंबांची अवस्था वाईट होती. त्यांना धान्याचे किट दिल्याने भोजनाचा प्रश्न सुटला आहे." असे पुरुषोत्तम डांगी यांनी सांगितले.
पुणेकरांनो, सावधान! कोरोनाच्या बळींचे झालंय शतक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.