Pune : कोथरूड विधानसभा मतदारसंघांमध्ये महाराष्ट्र नवनिर्माण सेनेला मोठे खिंडार

बालेवाडी : कोथरूड विधानसभा मतदारसंघातील महाराष्ट्र नवनिर्माण सेनेच्या कोथरूड विभाग उपविभाग अध्यक्ष ओबीसी नेते अशोक विठ्ठलराव दळवी यांनी त्यांच्या असंख्य कार्यकर्त्यांसमवेत शिवसेना उद्धव बाळासाहेब ठाकरे यांच्या पक्षांमध्ये शिवसेनेचे ज्येष्ठ नेते व खासदार संजय राऊत यांच्या उपस्थितीत प्रवेश केला.

कोथरूड विधानसभा मतदारसंघातील अशोक विठ्ठलराव दळवी यांनी २०१७ मध्ये मनसेचे उमेदवार म्हणून पुणे महापालिका निवडणूक लढवली होती. सद्या त्यांच्याकडे कोथरूड विधानसभा मतदारसंघातील महाराष्ट्र नवनिर्माण सेनेच्या कोथरूड विभाग उपविभाग अध्यक्ष ओबीसी नेते पदाचा पदभार होता. दळवी यांनी महाळुंगे येथे ( ता.१८ , फेब्रुवारी) रोजी त्यांच्या असंख्य कार्यकर्त्यांसमवेत शिवसेना उद्धव बाळासाहेब ठाकरे यांच्या पक्षांमध्ये शिवसेनेचे ज्येष्ठ नेते व खासदार संजय राऊत यांच्या उपस्थितीत प्रवेश केला.

अशोक दळवी यांचा जनसंपर्क दांडगा असून,पाषाण परिसरात गेली वीस वर्ष सामाजिक कार्यात असून राजकीय क्षेत्रात काम करत आहेत . नगरिकांच्या प्रश्ना साठी कायम तत्पर आहेत. त्यांचे हे सामजिक योगदान मोठे असल्याने ,याचा फायदा शिवसेना उद्धव बाळासाहेब ठाकरे गटाला आगामी काळात नक्कीच होईल, अशी चर्चा नागरिकांमध्ये सुरु आहे.

या कार्यक्रमावेळी," मी पूर्वाश्रमीचा शिवसैनिक असून मला स्वगृही परतल्याचा आनंद होत आहे व आगामी काळात शिवसेना उद्धव बाळासाहेब ठाकरे पक्ष व नेत्यांचा विश्वास सार्थ करून दाखवेल ",अशा प्रकारचे उद्गार त्यांनी काढले. यावेळी माजी आमदार चंद्रकांत मोकाटे ,अध्यक्ष पुणे शहरप्रमुख संजय मोरे,पुणे शहर प्रमुख गजानन थरकुडे,पुणे जिल्हा महिला संघटिका स्वाती ढमाले, पुणे शहर उपप्रमुख मयूर भांडे. विभाग प्रमुख संजय निम्हण तसेच शिवसेना उध्दव ठाकरे गटाचे इतर पदाधिकारी उपस्थित होते.