पुणे - भरधाव टेम्पो ट्रकवर आदळून झालेल्या अपघातात टेम्पोचालकाचा मृत्यू झाला, तर क्लीनर गंभीर जखमी झाला आहे. हा अपघात नगर रस्त्यावरील केसनंद ते लोणीकंददरम्यान रविवारी मध्यरात्री अडीच वाजण्याच्या सुमारास घडला..पोलिसांनी दिलेल्या माहितीनुसार, टेम्पोचा वेग अधिक असल्याने चालकाचा टेम्पोवरील ताबा सुटल्याने ट्रकला पाठीमागून जोरदार धडक बसली. त्यात दोघेही गंभीर जखमी झाले. अपघातानंतर पोलिसांनी घटनास्थळी धाव घेत जखमींना रुग्णालयात दाखल केले..उपचारादरम्यान, टेम्पोचालक ईश्वर बाळासाहेब उगले (वय-३४, रा. गोगलगाव, ता. राहता, जि. अहिल्यानगर) यांचा मृत्यू झाला. सुनील किशोर नेहे (वय-२२, रा. डिग्रस, ता. राहुरी) हा क्लीनर गंभीर जखमी झाला आहे. त्याच्यावर रुग्णालयात उपचार सुरू आहेत..या प्रकरणी ट्रकचालक विक्रम विठ्ठल बाबर (वय-३७, रा. डोंगरगाव, ता. सांगोला, जि. सोलापूर) यांनी लोणीकंद पोलिस ठाण्यात फिर्याद दिली आहे. या प्रकरणी टेम्पोचालकावर गुन्हा दाखल केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
