SPPU : विद्यापीठाच्या दूरस्थ अभ्यासक्रमांचे प्रवेश सुरू ; ३० ऑगस्टची अंतिम मुदत

पुणे - शिक्षणापासून वंचित राहिलेल्या विद्यार्थ्यांसह नोकरदार आणि महिलांनाही शिक्षणाची संधी उपलब्ध करणाऱ्या मुक्त व दूरस्थ अभ्यासक्रमांचे प्रवेश सुरू झाले आहे. सावित्रीबाई फुले पुणे विद्यापीठाच्या वतीने जुलै-ऑगस्ट सत्राच्या प्रथम वर्षाचे प्रवेश सुरू केले आहे.

ऑनलाइन अर्जाची छापील प्रत अभ्यासकेंद्रात कागदपत्रांसहित जमा करण्याची अंतिम मुदत २ सप्टेंबरची देण्यात आली आहे. विद्यापीठाच्या वतीने कला आणि वाणिज्य शाखेतील पदवी आणि पदव्युत्तर अभ्यासक्रम घेण्यात येतात.

दोन्ही अभ्यासक्रमांच्या प्रथम वर्ष प्रवेशासाठी ऑनलाइन अर्ज मागविण्यात आले आहे. विद्यार्थ्यांना ३० ऑगस्टपर्यंत ऑनलाइन अर्ज करता येणार आहे. यासाठी स्कूल ऑफ ओपन लर्निंगच्या http://unipune.ac.in/SOL/ या संकेतस्थळाला भेट द्यावी.