...तर पूर्व हवेलीत कोरोनाचा धुमाकूळ अटळ

...तर पूर्व हवेलीत कोरोनाचा धुमाकूळ अटळ

लोणी काळभोर : कोरोनाची साखळी तोडल्याशिवाय पूर्व हवेलीमधील कोरोनाची साथ आटोक्यात येणार नाही. त्यासाठी आरोग्य विभाग व ग्रामपंचायत प्रशासनाने कोरोनाबाधित रुग्णांच्या संपर्कात आलेल्या प्रत्येकाचा शोध घ्यावा व त्यास सक्तीने क्वारंटाईन करा. वेळप्रसंगी पोलिसांची मदत घ्या. अन्यथा यापुढील काळात पूर्व हवेलीत कोरोना धुमाकूळ घालेल असा इशारा मुख्यमंत्री व उपमुख्यंमंत्री कार्यालयाचे आरोग्य सल्लागार व भारतीय आयुर्विज्ञान अनुसंधान परिषदेचे माजी सदस्य डॉ. सुभाष साळुंखे यांनी लोणी काळभोर (ता. हवेली) येथे दिला. 

कोरोनाची साखळी तोडण्यासाठी नागरिकांनी घराबाहेर पडताना मास्क वापरण्याबरोबरच, सोशल डिस्टन्स राखण्याची गरज आहे. कोरोनापासुन मुक्ती हवी असेल तर तोडण्यासाठी आरोग्य विभाग, पोलिस दल, ग्रामपंचायत प्रशासन व नागरिकांनी मरगळ झटकून एकत्रित काम करावे लागेल. कोरोनाची साखळी तुटल्याशिवाय कोरोनापासुन मुक्ती नाही, असेही डॉ. सुभाष साळुंखे यांनी यावेळी स्पष्ट केले. 

पूर्व हवेलीमधील कोरोनाची साथ रोखण्यासंदर्भात विचारविनामय करण्यासाठी आरोग्य विभागाच्या वतीने लोणी काळभोर ग्रामपंचायत कार्यालयात डॉ. सुभाष साळुंखे यांच्या प्रमुख उपस्थितीत आरोग्य विभाग, पोलिस व ग्रामपंचायत प्रशासन यांची संयुक्त बैठक सोमवारी (ता. २९) दुपारी पार पडली. यावेळी उपस्थितांना मार्गदर्शन करताना डॉ. साळुंखे यांनी वरील इशारा दिला. 

यावेळी जिल्हा परिषदेचे आरोग्य अधिकारी डॉ. भगवान पवार, तालुका आरोग्य अधिकारी डॉ. सचिन खऱात, पोलिस निरीक्षक सुरज बंडगर, थेऊरच्या मंडल अधिकारी गौरी तेलंग, लोणी काळभोरचे आरोग्य अधिकारी डॉ. डि. जे. जाधव, लोणी काळभोरच्या सरपंच अश्विनी गायकवाड, उपसरपंच राजाराम काळभोर, अण्णासाहेब काळभोर, योगेश काळभोर, राजेंद्र काळभोर, गणेश गायकवाड, ग्रामविकास अधिकारी दत्तात्रेय पवार आदी उपस्थित होते. 

यावेळी बोलतांना डॉ. सुभाष साळुंखे म्हणाले, कोरोना बाधीत रुग्नांची मागिल सात दिवसातील संख्या लक्षात घेता, पुर्व हवेलीची स्थिती अतिशय चिंताजणक आहे. कोरोना बाधीत रुग्नाच्या संपर्कात आलेल्या प्रत्येकाची स्वॅब चाचनी करुन, त्यास क्वारंटाईनसक्तीचे करणे गरजेचे आहे. या शिवाय कोरोना बाधीत रुग्न राहत असलेल्या भागाला कटेंटमेन्ट जाहीर करुन, संबधित ठिकाणची काळजी घएम्याची गरज आहे. मात्र, कोरोनाबाधित रुग्नाच्या संपर्कात आलेले अनेक जण राजरोसपणे फिरत असल्याच्या तक्रारी आल्या आहेत. ही बाब गंभीर आहे.

यापुढील काळात मात्र आरोग्य विभाग, ग्रामपंचायत प्रशासन व पोलिस यांनी एकत्रित येऊन कारवाई करण्याची गरज आहे. कोरोनाची साखळी तोडल्याशिवाय पुर्व हवेलीमधील कोरोनाची साथ आटोक्यात येणार नाही असेही डॉ. साळुंखे यांनी शेवटी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com