कोथरूड - वडिलांच्या अपघाती निधनामुळे कोलमडून गेलेल्या ऋषिकेश लांडगे याने शिक्षकांच्या समुपदेशनानंतर दहावीचा शेवटचा पेपर दिला. त्याने प्रतिकूल परिस्थितीत ७९ टक्के गुण मिळवून वडिलांना भावपूर्ण श्रद्धांजली अर्पण केली आहे..कोथरूडमधील महेश विद्यालयातील मराठी माध्यमाचा विद्यार्थी ऋषिकेश हा वडिलांसोबत भtगाव येथे गेला असताना तेथे त्याच्या वडिलांचा अपघाती मृत्यू झाला. या घटनेमुळे ऋषिकेशला मोठा मानसिक धक्का बसला होता. दुःखद प्रसंगामुळे त्याने दहावीचा शेवटचा पेपर न देण्याचा निर्णय घेतला होता..ही बाब मुख्याध्यापिका जान्हवी अजोतीकर यांना समजताच त्यांनी ऋषिकेशचे समुपदेशन केले. वडिलांचे स्वप्न पूर्ण करण्यासाठी परीक्षा देणे आवश्यक असल्याचे त्यांनी त्याला पटवून दिले. शिक्षकांच्या प्रयत्नांमुळे ऋषिकेशने मन घट्ट करून परीक्षा दिली आणि उत्तम यश संपादन केले..नियतीसमोर न झुकता ऋषिकेशने दाखविलेल्या या दृढनिश्चयाचे सर्वत्र कौतुक होत आहे. शाळेने दिलेल्या पाठिंब्यामुळेच तो या संकटातून सावरू शकला असून, हा पाठिंबाच त्याच्या पुढील शैक्षणिक वाटचालीसाठी मोलाचा ठरेल, अशी भावना त्याच्या आईने व्यक्त केली. दरम्यान, महेश विद्यालयाचा दहावीचा निकाल १०० टक्के लागला असून रिद्धी निकटे (९७ टक्के), आर्या चोरघे (९४ टक्के) आणि आर्या वाळूज (९२.४० टक्के) यांनी यश मिळविले. परीक्षेला बसलेल्या ४४ पैकी ३७ विद्यार्थी विशेष प्रावीण्यासह उत्तीर्ण झाले, अशी माहिती अजोतीकर यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
