विद्यार्थ्यांनो, दहावीच्या गुणपत्रिकांचे सोमवारपासून होणार वाटप

पुणे  : महाराष्ट्र राज्य माध्यमिक व उच्च माध्यमिक शिक्षण मंडळाकडून दहावीच्या गुणपत्रिका सोमवारपासून (ता.१७) देण्यात येणार आहेत. मात्र कोरोनाचा वाढता संसर्ग लक्षात घेता ठराविक दिवशीच विद्यार्थ्यांवर गुणपत्रिका नेण्याची सक्ती करू नये, अशी सूचना राज्य मंडळाने शाळांना दिली आहे.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

यंदा कोरोनाच्या प्रादुर्भावामुळे निर्माण झालेल्या परिस्थितीत प्रत्येक वितरण केंद्राला जोडलेल्या शाळांची संख्या लक्षात घेऊन जास्त वितरण केंद्रे निर्माण कराव्यात आणि वितरण केंद्रावर सुरक्षित अंतर ठेवून वितरण खिडक्यांची संख्या वाढवून गुणपत्रिका वितरित कराव्यात, अशा सूचना राज्य मंडळाने विभागीय मंडळांना दिल्या आहेत. विभागीय मंडळाकडून शाळांना शुक्रवारी गुणपत्रिकांचे वाटप करण्यात आले. उर्वरित शाळांना सोमवारी गुणपत्रिकांचे वाटप करण्यात येणार आहेत. तसेच सोमवारपासून शाळांनी विद्यार्थ्यांना त्यांच्या सोयीनुसार शासनाच्या नियमांचे पालन करून गुणपत्रिका विद्यार्थ्यांना द्याव्यात.
 
पुण्यात गेल्या 24 तासांपासून पावसाची रिपरिप सुरूच; पुढील 3-4 दिवस पावसाची शक्यता

विद्यार्थ्यांनी ठराविक दिवशीच शाळेत येऊन गुणपत्रिका घेण्याची सक्ती करण्यात येऊ नये, शाळांमध्ये पालक-विद्यार्थ्यांची एकाच वेळी गर्दी न होण्याबाबत नियोजन करावे, असे आदेश राज्य मंडळाने विभागीय मंडळांना दिले आहेत.