आळंदी : वारकरी शिक्षण घेण्यासाठी मावळातून आलेल्या अकरा वर्षांच्या वारकरी विद्यार्थ्याला गुरू महाराजांनी बेदम मारल्याने गंभीर जखमी असून खासगी रूग्णालयात अतिदक्षता विभागात उपचार घेत आहे. जिवे मारण्याचा प्रयत्न केल्याच्या आरोपाखाली आळंदी पोलिस ठाण्यात नराधम महाराज भगवान पोहणे याच्यावर गुरूवारी (ता. २०) गुन्हा दाखल असून आरोपीस परभणी जिल्ह्यातील जिंतूर तालुक्यातील ओझर गावातून ताब्यात घेतल्याची माहीती आळंदी पोलिसांनी दिली.
ही घटना आठ दिवसांपूर्वी घडल्याचे सांगितले जात असून याप्रकरणी फिर्याद कविता राजू चौधरी (वय-२८, रा.आंबी तळेगाव दाभाडे) यांनी दिली. ओम राजू चौधरी असे जखमी विद्यार्थ्याने नाव असून या मुलाला आठ दिवसांपासून दवाखान्यामध्ये उपचारासाठी मावळ तालुक्यातील तळेगाव दाभाडे येथे खासगी रूग्णालायत दाखल केले होते. त्यानंतर पिंपरीतील खासगी रूग्णायात अतिदक्षता विभागात उपचार घेत असून ओमची तब्येत गंभीर आहे.
वडिल नसल्याने मुलाच्या घरची परिस्थीती हलाखीची आहे. आळंदीत अभ्यासाला टाकायचं म्हणून निर्णय घेतला आणि एक वर्षासून मुलगा आळंदीत आरोपी पाहुण्यांकडे माऊली ज्ञानराज प्रसाद अध्यात्मिक शिक्षण संस्थेत राहून शिकत होता. दरम्यान अचानक राजूच्या आईला फोन आला की तुमच्या मुलाला उलटी जुलाब होतात ते तुम्ही त्याला इथून घेऊन जावा. त्यामुळे ओमला घेऊन जायला त्याचा मामा रात्रीत आळंदीत आले. त्यावेळेस राजू बेशुध्द अवस्थेत होता. त्याला आनंद हॉस्पिटल तळेगाव दाभाडे येथे उपचारासाठी दाखल केले. दोन-तीन दिवसांनी तो बोलू लागला मग त्याला विचारलं काय झालं बाळा तुला काय झाले. तर त्याने उत्तर दिलं आई मला महाराजांनी हात-पाय बांधून मारलं. अंगावर वळ दिसत होते. याबाबत आळंदी पोलिसांनी सांगितले की, राजू हा हरिपाठ व अभ्यास करत नाही म्हणून आरोपी पाहूणे याने त्याला काठीने छातीवर आणि हातापायावर मारहाण केली. यावरून राजू गंभीर जखमी आहे. आरोपी पाहूणेचा शोध घेण्यासाठी आळंदी पोलिसांचे पथक जिंतूरला ओझर या गावातून ताब्यात घेतले. रवाना झाले असून आज दिवसभरात अटक केले जाईल असे सांगितले.
दरम्यान, आळंदीत विद्यार्थ्याच्या अत्याचाराच्या घटना दिवसेदिवस वाढत चालल्याने वारकरी अध्यात्मिक शिक्षण संस्थांवर लगाम घालण्याची वेळ असल्याची चर्चा शहरात रंगू लागली.आळंदीकर आणि वारकरी याबाबत काय भूमिका घेतात याकडे लक्ष लागले आहे.तर आळंदी पोलिस ठाण्याचे वरिष्ठ पोलिस निरिक्षक रविंद्र चौधर यांनी दहा हजार, जोग महारा वारकरी शिक्षण संस्थेने पाच हजार रूपयांची मदत केली असून उपचारासाठी आणखी मदतीची आवश्यकता असल्याने पोलिसांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.