मुक्त विद्यालयातून अॅडमिशन घेणाऱ्या विद्यार्थ्यांनो, नावनोंदणीसाठी मुदत वाढवली

पुणे : महाराष्ट्र राज्य मुक्त विद्यालय मंडळामध्ये इयत्ता पाचवी आणि आठवीसाठी नव्याने प्रविष्ठ होणाऱ्या विद्यार्थ्यांकरिता ऑनलाईन पद्धतीने नावनोंदणी प्रवेश अर्ज भरण्यासाठी मुदतवाढ देण्यात आली आहे. आता विद्यार्थ्यांना 31 जानेवारी 2021पर्यंत नावनोंदणी अर्ज ऑनलाइन भरता येणार आहे, अशी माहिती राज्य मुक्त विद्यालय मंडळाचे सचिव डॉ. अशोक भोसले यांनी दिली आहे. 

- Welcome 2021 : न्यूझीलंडमध्ये झालं नव्या वर्षाचं भन्नाट स्वागत; पाहा व्हिडिओ!

विद्यार्थ्यांना मूळ अर्ज, विहित शुल्क आणि मूळ कागदपत्रे अर्जावर नमूक केलेल्या संपर्क केंद्र शाळेमध्ये जमा करण्यासाठी 2 जानेवारी ते 2 फेब्रुवारी 2021 पर्यंतचा कालावधी देण्यात आला आहे. तर संपर्क केंद्र शाळांनी विद्यार्थ्यांचे अर्ज, शुल्क, मूळ कागदपत्रे आणि यादी 5 फेब्रुवारीपर्यंत विभागीय मंडळाकडे जमा करावी, असेही राज्य मुक्त विद्ययालय मंडळाच्या वतीने स्पष्ट करण्यात आले आहे.

या मंडळातंर्गत इयत्ता पाचवी आणि आठवीच्या विद्यार्थ्यांची नावनोंदणीसाठी http://msbos.mh-ssc.ac.in या संकेतस्थळावर अर्ज करता येणार असल्याची माहिती मंडळातर्फे देण्यात आली आहे.  

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)