पुणे : ''जिल्हाधिकारी पदावर काम करताना अनेक आव्हानात्मक प्रसंग आले, पण त्यातून लोकाभिमुख प्रशासन राबविण्यात यशस्वी झालो,'' अशा शब्दांत जिल्हाधिकारी नवल किशोर राम (Pune District Collector) यांनी आपल्या भावना व्यक्त केल्या. जिल्ह्यातील सर्व अधिकाऱ्यांनी लोकाभिमुख प्रशासन राबवावे, असे आवाहनही त्यांनी केले.
जिल्हाधिकारी राम (Naval Kishore Ram) यांची नुकतीच पंतप्रधान कार्यालयात उपसचिव (PMO India) म्हणून बदली झाली आहे. तत्पूर्वी शुक्रवारी त्यांनी जिल्हाधिकारी कार्यालयातील निवासी उपजिल्हाधिकारी कार्यालयासह विविध शाखांना भेट देऊन अधिकारी आणि कर्मचाऱ्यांना शुभेच्छा दिल्या.
निवासी उपजिल्हाधिकारी डॉ. जयश्री कटारे, उपजिल्हाधिकारी सुधीर जोशी, सुभाष भागडे, सुनील गाढे, भारत वाघमारे, श्रीमंत पाटोळे, आरती भोसले, शिंदे, उप जिल्हा निवडणूक अधिकारी मृणालिनी सावंत, खनिकर्म अधिकारी संजय बामणे, राणी ताटे, जिल्हा आपत्ती व्यवस्थापन अधिकारी विठ्ठल बनोटे, श्रावण ताते, जिल्हा माहिती अधिकारी राजेंद्र सरग यांच्यासह इतर अधिकारी, कर्मचारी उपस्थित होते.
राम म्हणाले, जिल्हाधिकारी कार्यालयात कामानिमित्त येणाऱ्या नागरिकांचे योग्य समाधान झाले पाहिजे. त्यांच्या तक्रारीची दखल घेऊन निराकरण केले पाहिजे.
राव यांची बदली झाल्याचे समजताच उपमुख्यमंत्री आणि पुण्याचे पालकमंत्री अजित पवार (Ajit Pawar) यांनी त्यांना पुष्पगुच्छ देऊन पुढील वाटचालीसाठी शुभेच्छा दिल्या आहेत. ''पुण्याच्या प्रश्नांची जाण असणाऱ्या राम यांना पंतप्रधान कार्यालयात काम करण्याची संधी मिळाली आहे. ही चांगली बाब असून ते पुण्याचे प्रश्न मार्गी लावण्यासाठी नेहमी प्रयत्न करतील, असा विश्वासही उपमुख्यमंत्री पवार यांनी यावेळी व्यक्त केला.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.