शेटफळगढे - शिंदेवाडी (ता. इंदापूर) येथील प्रीती म्हेत्रे हिने महाराष्ट्र लोकसेवा आयोग राजपत्रित परीक्षेत यशसंपादन करून सहाय्यक कार्यकारी अभियंता पदाला गवसणी घातली आहे.प्रीतीचे प्राथमिक शिक्षण जिल्हा परिषद प्राथमिक शाळा काझड (ता. इंदापूर) येथे झाले..माध्यमिक शिक्षण नंदकेश्वर विद्यालय जंक्शन तर, उच्च माध्यमिक शिक्षण विद्या प्रतिष्ठान बारामती या ठिकाणी पूर्ण करून शासकीय इंजिनिअरिंग कॉलेज कराड येथे इंजिनिअरिंगचे शिक्षण सिव्हिलमधून पूर्ण केले.त्यानंतर अधिकारी होण्याची जिद्द बाळगून वेळ मिळेल, तेव्हा अभ्यास करून गेल्या वर्षी सरळसेवेतून ज्युनिअर इंजिनिअर जलसंपदा अधिकारी, जिल्हा परिषदेमध्ये अभियंता अशा सलग शासकीय अधिकारी वर्ग २ व वर्ग ३ च्या पोस्ट मिळवल्या..सध्या ज्युनिअर इंजिनिअर सार्वजनिक बांधकाम विभाग- वर्षा या ठिकाणी उच्च पदावर कार्यरत असताना सहाय्यक अभियंता कार्यकारी अभियंता वर्ग या पदाला तिने गवसणी घातली आहे.प्रीतीचे वडील जिल्हा परिषद प्राथमिक शाळा कुंभारगाव या ठिकाणी प्राथमिक शिक्षक म्हणून कार्यरत आहेत, तर मामा अनिल शिंदे हेदेखील शिक्षक असून त्यांचेही तिला मार्गदर्शन मिळत होते..माझ्या आई-वडिलांचे पाठबळ तसेच बहीण-भावाचे प्रेरणादायी विचार माझ्यासाठी लाख मोलाचे ठरले. डोळ्यांसमोर चांगले ध्येय ठेवून मनापासून प्रामाणिक अभ्यास केल्यावर यश नक्की मिळते, हे मला मिळालेल्या यशातून दिसून आले, माझ्या यशात सहकार्य केल्याबद्दल मी सर्वांची ऋणी राहील.- प्रीती म्हेत्रे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
