धक्कादायक ! देशासाठी फासावर गेलेल्या सुखदेव यांच्या बलिदानाचा बालभारतीला पडला विसर

पुणे : भगतसिंग, राजगुरू यांच्याबरोबर देशासाठी फासावर गेलेल्या सुखदेव यांच्या बलिदानाचा विसर बालभारतीला पडला आहे. आठवीच्या मराठीच्या एका धड्यात सुखदेव यांचे नाव वगळण्यात आले आहे. दरम्यान, यात बालभारतीची चूक नसल्याचे स्पष्टीकरण देण्यात आले आहे. आठवीच्या अभ्यासक्रमातील मराठीच्या पुस्तकात क्रांतिकारक भगतसिंह, राजगुरु यांच्याबरोबर कुर्बान हुसेन अशा नावाचा उल्लेख करण्यात आल्याने नव्या वादाला तोंड फुटले आहे.

जेव्हा शरद पवार रमतात जुन्या आठवणींमध्ये...

भारतीय स्वातंत्र्य समराच्या इतिहासात भगतसिंग, राजगुरू आणि सुखदेव यांचे बलिदान सर्वश्रृत आहे. या तिघांना फासावर देण्यात आले. तरीही एका धड्यात सुखदेव यांचे नाव वगळण्यात आले आहे. बालभारतीकडून मात्र ही आमची चूक नसल्याचे स्पष्ट करण्यात आले आहे.

ताज्या बातम्यांसाठी डाऊनलोड करा ई-सकाळचे ऍप   

बालभारतीचे संचालक विवेक गोसावी यांनी सांगितले, की प्रसिद्ध लेखक यदुनाथ थत्ते यांच्या प्रतिज्ञा या पुस्तकातील 'माझ्या देशावर माझे प्रेम आहे' हा पाठ जसाच्या तसा वापरण्यात आला आहेत. त्या लेखात सुखदेव यांचे नाव नव्हते. ते बालभारतीकडून वगळण्यात आलेले नाही. ही आमच्याकडून झालेली चूक नाही."

पुण्याच्या बातम्या वाचण्यासाठी येथे ► क्लिक करा

एखादा लेख पाठ्य पुस्तकासाठी वापरण्यापूर्वी त्यातील चुका तपासल्या जात नाही का, या प्रश्नावर गोसावी म्हणाले, "भाषा विषयात एखाद्या लेखकाचे लिखाण हे जसेच्या तसे घेतले जाते, त्यात बदल केला जात नाही." "कुर्बान हुसेन हे देखील स्वातंत्र्य सैनिक होते. त्यांना सोलापूर येथे फाशी देण्यात आली आहे. भगतसिंग, राजगुरू आणि सुखदेव यांची नावे एकत्रितपणे घेतली जात असली, तरी थत्ते यांच्या लेखातच सुखदेव यांचे नाव नव्हते," असे त्यांनी सांगितले.

धड्यातील वाक्य

''भगतसिंग, राजगुरु, कुरबान हुसेन हे फासावर गेले. ते देशावर खरेखुरे प्रेम करत होते.”

कोण होते कुर्बान हुसेन?

अब्दुल रसूल कुर्बान हुसेन हे सोलापूर येथील स्वातंत्र्य चळवळीतले पत्रकार होते. कुर्बान हुसेन यांना इंग्रजांनी स्वातंत्र्य  लढ्यातील सहभागाबद्दल दोषी ठरवून 12जानेवारी 1931 रोजी फासावर चढविण्यात आले. त्यावेळी कुर्बान हुसेन यांचे वय अवघे 22 वर्षे होते. त्यांनी त्यांच्या 'गझनफर' या वृत्तपत्रातून स्वातंत्र्यलढा, कामगारांचे प्रश्न, हिंदु-मुस्लिम ऐक्य यासह विविध विषयांवर लेखन केले.