पुणे - कल्याणीनगर येथे झालेल्या पोर्शे कार अपघात प्रकरणात दोघांच्या मृत्यूस कारणीभूत ठरलेल्या अल्पवयीन मुलाची आई शिवानी अग्रवाल हिला सर्वोच्च न्यायालयाने मंगळवारी अंतरिम जामीन मंजूर केला..अग्रवाल हिच्यावर तिच्या मुलाच्या रक्त नमुन्यांची अदलाबदल केल्याप्रकरणी गेल्यावर्षी १ जून रोजी अटक झाली होती. तिच्या अटकेला सर्वोच्च न्यायालयात आव्हान दिले होते. अखेर तिला जामीन मंजूर झाला आहे..गेल्यावर्षी कल्याणीनगर येथे झालेल्या अपघातात मुलाच्या रक्त नमुन्याची अदलाबदल करून पुरावे नष्ट करण्याचा प्रयत्न केल्याप्रकरणी अल्पवयीन मुलाचे वडील विशाल अग्रवालसह आई शिवानीला पोलिसांनी अटक केली होते..आधी तिला पोलिस कोठडी व नंतर न्यायालयीन कोठडीमध्ये मंजूर झाल्याने त्यांची रवानगी येरवडा कारागृहात केली गेली. सर्वोच्च जामिनासाठी अर्ज करताना तिने असा दावा केला होता की तिला अटकेच्या वेळी तोंडी किंवा लेखी स्वरूपात त्याची कारणे कळवण्यात आली नव्हती..शिवानी अग्रवालचे वकील विक्रम चौधरी आणि ध्वनी शाह यांच्या वकिलांनी युक्तिवाद केला की एक महिला आरोपी म्हणून तिला फौजदारी प्रक्रिया संहिता अंतर्गत संरक्षण मिळण्याचा अधिकार आहे. तर सर्वोच्च न्यायालयाने जामीन देताना ‘या प्रकरणात आरोपपत्र दाखल झाले असून आरोपी दहा महिन्यांपासून कारागृहात असल्याचे निरीक्षण नोंदवत तिला जामीन मंजूर केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
