सिंहगड रस्ता : सिंहगड रस्ता परिसरात होणारी वाहतूक कोंडी लक्षात घेता लवकरात लवकर या पुलाचे काम त्वरित पूर्ण करावे, तसेच यासाठी सर्व विभागांनी समन्वय ठेवून काम करावे आणि पूल नागरिकांसाठी लवकर खुला करावा, अशा सूचना खासदार सुप्रिया सुळे यांनी दिल्या..सिंहगड रस्ता परिसरात उड्डाणपुलाचे काम अद्यापही सुरू आहे. परिणामी नागरिकांना वाहतूक कोंडीचा सामना करावा लागतो. धायरीकडून स्वारगेटकडे जाताना माणिक बाग येथील वीर शिवा काशीद चौकापासून सुरू होणाऱ्या पुलाचे काम अद्याप रखडलेले आहे. राजाराम पूल चौकातील उड्डाणपूल खुला करण्यात आल्यानंतर धायरीकडे जाणाऱ्या दिशेचा विठ्ठलवाडी ते फन टाइम थिएटर असा पूल खुला करण्यात आला..मात्र, अद्याप माणिक बाग ते हिंगणेदरम्यान असणारा पूल खुला झाला नाही. त्यामुळे वाहतूक कोंडीचा नागरिकांना सामना करावा लागत आहे. हा पूल लवकरात लवकर सुरू करावा, अशी मागणी नागरिकांकडून होत होती. त्यावर खासदार सुप्रिया सुळे यांनी कामाची पाहणी केली. पुलाचे काम अंतिम टप्प्यात आले असून, सर्व विभागांनी समन्वय करून ते काम पूर्ण करावे सूचना खासदार सुप्रिया सुळे यांनी दिल्या..या वेळी राष्ट्रवादी काँग्रेस शरदचंद्र पवार पक्षाचे खडकवासला विधानसभा मतदारसंघाचे अध्यक्ष काका चव्हाण, माजी नगरसेवक सचिन दोडके, संतोष चाकणकर, शरद दबडे, अनिता इंगळे, वैशाली थोपटे, साहिल कांबळे, आनंद मते उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
