पुणे - येरवडा येथील राजीव गांधी रुग्णालयात दहा कोटी रुपये खर्च करून ‘एमआरआय’ मशिन घेण्यासाठी आरोग्य खात्याने काढलेली निविदा त्वरित रद्द करून दोषी अधिकाऱ्यांवर कारवाई करावी, अशी मागणी सजग नागरिक मंचाचे विवेक वेलणकर यांनी महापालिका आयुक्त शेखर गायकवाड यांच्याकडे केली आहे.
महापालिकेच्या आरोग्य विभागाने राजीव गांधी रुग्णालय येथे १० कोटी रुपये खर्च करून हे मशिन घेण्याचा प्रस्ताव ठेवला आहे. हा प्रस्ताव ठेवताना सध्या महापालिकेकडे फक्त पद्मावती येथील पोटे दवाखाना येथे सरकारी दरात एमआरआय करण्याची सोय आहे. तेथे रुग्णांना यासाठी १० ते १५ दिवस वाट बघावी लागत असल्याने हे नवीन मशिन खरेदी करणे आवश्यक असल्याचे धादांत खोटे व दिशाभूल करणारे कारण पुढे केले आहे. वास्तविक पोटे दवाखाना येथे सहा ते सात दिवसांत एमआरआय काढून मिळतो.
तसेच महापालिकेने दोन वर्षांपूर्वी क्रस्ना लॅबोरेटरीज या संस्थेबरोबर महापालिकेच्या सर्व रुग्णालयातील सर्व तपासण्या सरकारी दरात करण्याचा दहा वर्षे मुदतीचा करार केला आहे. या करारामध्ये संस्थेने महापालिकेच्या कमला नेहरू रुग्णालयात व कोथरूडमधील सुतार दवाखान्यात स्वतःच्या खर्चाने हे मशिन बसवून त्यावर सरकारी दराने सेवा द्यावी, असे नमूद केले आहे. सुतार दवाखान्यात त्यासाठी महापालिकेने लाखो रुपये खर्च करून वीजयंत्रणेची उभारणीदेखील केली आहे. कमला नेहरू रुग्णालयात हे मशिन सुरू झाले असून, त्यावर सरकारी दरात सेवा दिली जाते. ज्याकरिता आरोग्य विभागाने पाठपुरावा करणे आवश्यक असताना ते सोडून नवीन मशिनच्या खरेदी करण्यात अधिकाऱ्यांना रस आहे, असे पत्रात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.