Pune Health News
Sakal
पुणे : क्षयरोग तपासणी मोहिमेदरम्यान आरोग्य कर्मचाऱ्यांचेच आरोग्य धोक्‍यात येत असल्याचा प्रकार समोर आला आहे. ‘स्वस्थ नारी सशक्त परिवार अभियान’ अंतर्गत पुणे जिल्ह्यात राबवण्यात येत असलेल्या मोहिमेत, रुग्णांची क्षयरोग तपासणी करण्यासाठी एक्स-रे काढला जात आहे. योग्य साधनांअभावी एक्स-रे प्‍लेट थेट कर्मचाऱ्यांच्या हातात दिली जात आहे. या प्रक्रियेमुळे कर्मचाऱ्यांना किरणोत्सर्गाचा (रेडिएशन) सामना करावा लागत असून त्यांच्या आरोग्यावर परिणाम होण्याची शक्यता आहे.