चहा विक्रेत्या वृद्ध महिलेला लुटले; पाटसमध्ये दिवसाढवळ्या घडला प्रकार

पाटस - पाटस (ता. दौंड) येथे चोरटयांनी चहाविक्रेत्या वयोवृध्द महीलेला भुरळ पाडुन तिच्या अंगावरील सोन्याचे दागिने लंपास केल्याचा धक्कादायक प्रकार बुधवारी (ता. १७) सकाळी अकरा वाजता घडला. व्दारकाबाई शेलार (वय ७०) रा. पाटस, ता. दौंड, जि. पुणे असे चहाविक्रेत्या वृध्द महीलेचे नाव आहे. याप्रकरणी रात्री उशीरापर्यंत पोलिस चौकीत गुन्हा दाखल करण्यात आला नव्हता.

याबाबत व्दारकाबाई शेलार, रा. पाटस, ता. दौंड, जि. पुणे यांनी माहीती दिली. व्दारकाबाई यांचा पाटस येथील गुरुकुल शाळेच्या शेजारी चहाचा गाडा आहे. सकाळी अकरा वाजण्याच्या सुमारास दोन अज्ञात इसम दुचाकीवरुन आले. त्यातील एकजण व्दारकाबाई यांच्याकडे येवुन आजी चहा द्या असे म्हणाला. त्यांच्याशी गप्पा मारीत मारुती मंदीर कुठे आहे याची चौकशी केली. आजीला बिस्कीट खाण्यासाठी दिले. मात्र, आजीने त्यास नकार दिला. त्यानंतर त्यांनी आजीच्या डोळ्यासमोर पाचशे रुपयांच्या नोटा धरुन आम्हाला देवाला दान करायच्या आहेत. असे म्हणत त्यांना भुरळ पाडली. क्षणात आजीच्या गळ्यातील दागीना घेवुन पोबारा केला. काही वेळानंतर व्दारकाबाई यांना गळ्यातील दागीना गेल्याचे लक्षात आले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

त्यांनी आरडा-ओरडा करुन परीसरातील नागरीकांना झालेल्या प्रकाराबाबत सांगितले. रुपाया-रुपाया गोळा करुन मोठया कष्टाने जपलेला दागीना गेल्याने आजींना असह्य झाले. माहीती मिळताच पाटस पोलिस चौकीचे पोलिस हवालदार बाळासाहेब पानसरे, पोलिस नाइक घनशाम चव्हाण, दशरथ कोळेकर, समिर भालेराव यांनी घटनास्थळी धाव घेतली. आजींकडुन झालेल्या प्रकाराबाबत सर्व माहीती घेतली. परीसरातील सीसीटीव्ही फुटेज तपासणार असल्याचे पोलिसांनी स्पष्ट केले. या प्रकरणी पोलिस चौकीत अध्याप गुन्हा दाखल करण्यात आला नव्हता.

शरणागती पत्करलेल्या नक्षलवादी कृष्णा दोरपटे याने न्यायालयासमोर दिली साक्ष

दरम्यान, घराबाहेर, दुकानात किंवा बाहेर कुठे कोणी अज्ञात व्यक्ती काही चौकशी करीत असल्यास महीलांनी सावध राहवे. कोणत्याही व्यक्तीवर विश्वास ठेवू नये, दागीने दाखवू नये, असे काही आढळल्यास पोलिसांशी संपर्क साधावा असे आवाहन पोलिस हवालदार बाळासाहेब पानसरे यांनी केले.

Edited By - Prashant Patil