TET परीक्षा प्रकरणात कोट्यवधींची उलाढाल; पुणे पोलिसांचा खुलासा | Sakal
sakal

बोलून बातमी शोधा

Amitabh Gupta

TET परीक्षा प्रकरणात कोट्यवधींची उलाढाल; पुणे पोलिसांचा खुलासा

पुणे: शासकिय सेवेत भविष्याची स्वप्न पाहणाऱ्या विद्यार्थ्यांच्या भवितव्याशी खेळणाऱ्या पेपर घोटाळ्यातील आरोपींच्या मुस्क्या आवळायला पोलिसांनी सुरूवात केली आहे. पोलीस आयुक्त अमिताभ गुप्ता (Amitabh Gupta) यांनी टीईटी परिक्षेतील (TET Exam) गैरव्यवहाराप्रकरणी केलेल्या कारवाईबद्दल माहिती दिली. आता पर्यंत या प्रकरणात २ लोकांना अटक करण्यात आली असून, आरोपींकडून ९० लाख जप्त केल्याचं सांगितलं आहे. या प्रकरणात ४ कोटींपर्यंत गैरव्यवहार झाल्याचं समजतं आहे.

हेही वाचा: TET घोटाळा : तुकाराम सुपे, अभिषेक सावरीकर यांना अटक

उमेदवारांकडून ३५ हजार ते १ लाख रुपयांपर्यंत पैसे घेतले जात होते. या प्रकरणात अटक केलेल्या आरोपींकडून पोलिसांनी 88 लाख रुपये रोख आणि सोनं जप्त केलं आहे. या प्रकरणात आरोपींनी जवळपास साडेचार कोटी रुपये जमा केले असल्याचं समजतं आहे. ऑक्टोबरमध्ये परीक्षा झाली होती. चार ते पाच जणांची लिंक लागली असून, प्राथमिक तपासातून या गोष्टी समोर आलं असल्याचं अमिताभ गुप्ता यांनी सांगितलं आहे.

पोलिसांनी जप्त केलेली रक्कम आणि सोनं

पोलिसांनी जप्त केलेली रक्कम आणि सोनं

हेही वाचा: TET प्रश्नपत्रिका हातात पडली... आणि पेपर फुटला!

दोन पेपर फुटी प्रकरणांचा तपास करताना म्हाडा पेपर फुटीची लिंक सापडली. त्यातूनही काही लोकांना अटक केली. त्यात टीईटी च्या परीक्षेत घोटाळा असल्याचं समोर आलं. या प्रकरणात गुन्हा दाखल करून तुकाराम सुपे यांना अटक केली. या प्रकरणी राज्य परीक्षा परिषदेचे अध्यक्ष दत्तात्रय जगताप यांनी फिर्याद दिली.

Web Title: Tet Exam Scam Pune Police Arrested 2 Seize Rs 90 Lakh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :TET Exam