पुणे : मुख्यमंत्री उद्धव ठाकरे यांच्या नेतृत्वाखालील महाविकास आघाडी सरकार दोन नवे विभाग करण्याच्या तयारीत आहे. यासंदर्भात महसूलमंत्री बाळासाहेब थोरात यांनी माहिती दिली आहे.
पुण्यात एका कार्यक्रमासाठी आलेल्या बाळासाहेब थोरात यांनी माहिती दिली, की ''नवीन विभाग करण्यासंदर्भात विचार सुरू आहे. वाणिज्य व व्यापारासाठी आणि देवस्थान संदर्भातही नवा विभाग करण्याचा विचार सुरु आहे. तसेच पंतप्रधान कार्यालयाच्या धर्तीवर मुख्यमंत्री कार्यालयाला मंत्री दिला जाऊ शकतो, असे त्यांनी सांगितले.
बाळासाहेब थोरात म्हणाले :
- उद्यापासून कामाला सुरुवात होईल, सर्वजण चांगले काम करतील
- तीन पक्षांचे सरकार असल्याने चर्चेतून खातेवाटप खेळीमेळीने पार पडले
- ज्यांना संधी मिळाली नाही, त्यांच्यात थोडी नाराजी दिसत आहे. पण त्यांना बरोबर घेऊन त्यांची नाराजी दुर करु.
- मी आधी महसूल मंत्री असताना बदल करून सहजता आणण्याचा प्रयत्न केला आहे.
- गेल्या पाच वर्षात त्यांच्याकडे (चंद्रकांत पाटील) अधिक खाती असल्याने आणि राजकीय जबाबदारी असल्याने ते तितकेसे लक्ष देऊ शकले नसावेत, असं मला वाटतं
- कर्जमुक्तीच्या प्रक्रियेची मोठी जबाबदारी महसूलकडे येणार आहे
- सरकार तीन पक्षांचे असले तरी कॉमन मिनिमम प्रोग्रॅमनुसारच काम करणार आहोत.
- शेतकऱ्यांना आणि सर्वसामान्य नागरिकांना केंद्रबिंदू मानून काम करू
- सरकारमधील समन्वयासाठी दोन समित्या करणार आहोत. एक कॅबिनेटची असेल आणि दुसरी बाहेरची !
- उद्धव ठाकरे यांच्यात खुला संवाद करण्याची पद्धत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
