पौड / पिरंगुट - सुतारवाडी (ता. मुळशी) येथील मानसी संभाजी सावंत हिने पोलिस कॉन्स्टेबल पदाला गवसणी घातली आहे. कौटुंबिक परिस्थिती जेमतेम असलेल्या मानसीने जिद्दीच्या जोरावर खाकी वर्दीचे यश मिळविले. ड्रायव्हिंग आणि टेलरिंगचे काम करणाऱ्या वडिलांनी प्रपंचात काटकसर करीत लेकीला पोलिस बनविले. सावंत कुटुंबाच्या या यशाचे कासारअंबोली आणि आंबडवेट पंढरीत कौतुक केले जात आहे.
