भोर (पुणे) : लॉकडाउनमुळे तालुक्यातील सुमारे २ हजार कामगारांची सुरु झालेली उपासमार अद्याप संपलेली नाही. तालुक्यातील महिलांसह अनेक कामगार हे पूर्वेकडील शिरवळ (ता. खंडाळा, जि. सातारा) येथील एमआयडीसीमधील विविध कंपन्यांमध्ये अकुशल व कुशल असे सुमारे दोन हजार कामगार कार्यरत आहेत. यामध्ये महिलांची संख्या जवळपास पाचशेच्या घरात आहे.
लॉकडाउननंतर सर्व कंपन्या बंद झाल्या आणि कामगारांना आर्थिक झळ बसण्यास सुरुवात झाली. १७ मे नंतर काही कंपन्या सुरु झाल्या, परंतु, त्यांनी स्थानिक कामगारांना कामावर घेतले. सातारा जिल्हा प्रशासनाने जिल्ह्याच्या सिमा बंद केल्यामुळे भोरहून शिरवळला जाण्याचा मार्ग बंद झाला. लॉकडाउनच्या काळात सिक्युरीटीचे काम सुरु होते. लॉकडाउनमधून सिक्युरीटी गार्डला वगळल्याचे केंद्र शासनाने आदेश असूनही सिमाबंदीमुळे कामगारांना कामावर जाता आले नाही.
कंपन्या सुरु झाल्यानंतर भोरमधील कामगारांना कामावर घेण्यास सुरुवात केली. परंतु, सिमाबंदीमुळे कामगारांना कामावर जाता येत नाही. गाडी न घेता चालत कामावर जाण्याचीही तयारी काही कामगारांनी दर्शवली होती. परंतु सातारा पोलिसांकडून पोलिसांच्या ई-पासची मागणी केली जात आहे. त्यामुळे कामगारांना इच्छा असूनही कामावर जात येत नाही.
पुण्यातील इतर बातम्या वाचण्यासाठी येथे- क्लिक करा
डेली वेजेसवर काम करणा-या कामगारांना कंपन्यांनी लाॅकडाउनच्या काळातील पगार दिला नाही. परिणामी कामगारांच्या कुटुंबाची उपासमार सुरु झाली आहे. सिमाबंदीमुळे आरोग्याच्या अत्यावश्यक सेवेवरही परिणाम झाला आहे. यासाठी भोर-शिरवळ मार्गावरील सुरु असलेली सिमाबंदी शिथील करून
कामगारांना कामावर जाण्यासाठी परवानगी द्यावी अशी मागणी कामगार करू लागले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.