पिंपरी-चिंचवडमध्ये दोन वर्षांत तीनशे बेवारस मृतदेह

शहरातील स्थिती; बेघर, फिरस्ते व घातपात याबाबी कारणीभूत
पिंपरी - गेल्या दोन वर्षांपासून उद्योगनगरीत बेवारस मृतदेहांचे प्रमाण वाढल्याची धक्कादायक माहिती समोर आली आहे. वृद्ध आई-वडिलांना सोडून जाणारी मुले, बेघर, फिरस्ते व घातपात अशा विविध कारणांमुळे दोन वर्षांत तब्बल २९१ मृतदेह शहरातील विविध भागांत सापडले आहेत. त्यांचा अंत्यविधी पोलिसांना करावा लागत आहे.

ताज्या बातम्यांसाठी डाऊनलोड करा ई-सकाळचे ऍप

संत तुकारामनगरमधील वायसीएम रुग्णालयाच्या आवारातील शवविच्छेदन केंद्र हे पोलिस शल्यचिकित्सक विभागाअंतर्गत येते. येथे मिळालेल्या आकडेवारीवरून गेल्या दोन वर्षांत बेवारस मृतदेहांचे प्रमाण वाढल्याचे लक्षात येते. शवविच्छेदन केंद्रात २०१८ मध्ये १५५; तर या वर्षी नोव्हेंबरअखेर १३६ बेवारस शव आढळले.

राहुल, प्रियंका गांधींना मेरठमध्ये पोलिसांनी रोखले; काय आहे कारण?

शहरात उदरनिर्वाहासाठी अनेकजण परराज्यांतून येतात. त्यात काहीजण कौटुंबिक भांडणातून; तर काही जण मानसिक आजारांनी त्रस्त असल्याने घर सोडतात. ते रेल्वे, बस स्थानके तसेच, रस्त्यावरच राहतात. त्यांना जेवण मिळणेही शक्‍य नसते. रस्त्यावर राहिल्याने साथीच्या आजाराने अनेकांचा त्यात मृत्यू होतो. या बेवारसांच्या नातेवाइकांचा शोध घेण्याचे काम पोलिस करतात. विशेष म्हणजे या मृतदेहांमध्ये काही मृत्यू हे क्षयरोग आणि एड्‌समुळे झाल्याचे अधिकाऱ्यांनी सांगितले.