यवत : बोरीभडक (ता. दौंड) येथील त्रिमूर्ती लॉजवर वेश्‍या व्यवसाय सुरू असल्याची माहिती दौंडच्या उपविभागीय पोलिस कार्यालयास मिळाली. त्यानंतर पोलिस पथकाने यवत पोलिसांच्या मदतीने या लॉजवर छापा टाकून तीन महिलांची सुटका केली. याप्रकरणी तिघांवर यवत पोलिस ठाण्यामध्ये गुन्हा दाखल करण्यात आला आहे.
- पुण्याच्या बातम्या वाचण्यासाठी येथे ► क्लिक करा
यवत पोलिस ठाण्याच्या हद्दीत महामार्गालगत अनेक लॉजवर वेश्‍या व्यवसाय चालत असल्याची चर्चा मागील काही दिवसांपासून सुरू आहे. बोरीभडक गावच्या हद्दीतील चंदवाडी येथील त्रिमूर्ती लॉजची चर्चाही अनेक दिवसांपासून सुरू होती. दौंड उपविभागीय पोलिस कार्यालयास याबाबतची माहिती मिळताच त्यांच्या पथकाने ही कारवाई केली. त्या ठिकाणी तीन महिलांकडून वेश्‍या व्यवसाय करवून घेतला जात असल्याचे निदर्शनास आले. या पैकी दोन महिला पश्‍चिम बंगालच्या आहेत. पोलिसांनी या महिलांची सुटका केली आहे.
पोलिस नाईक कमलेश शिवाजी होले यांनी याबाबत फिर्याद दिली. प्रभाकर गोपाळ शेट्टी (वय 46), नवीन सीनसलीयन (वय 35, दोघेही रा. त्रिमूर्ती लॉज, मूळ रा. उडपी कर्नाटक) व महंमद फारुक अन्सारी (वय 20, रा. त्रिमूर्ती लॉज, मूळ रा. झारखंड), या तिघांवर अनैतिक व्यापार कायद्यानुसार गुन्हा दाखल केला आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.