पुणे - सार्वजनिक सुट्टीच्या दिवशी काम करणाऱ्या महापालिकेतील सफाई कर्मचाऱ्यांना त्या दिवसाचे दीडपट वेतन देण्याचा निर्णय महापालिकेच्या सर्वसाधारण सभेत घेतला आहे. त्यामुळे महापालिकेच्या सुमारे साडेसात हजार कर्मचाऱ्यांना याचा फायदा होणार आहे..राज्य सफाई कर्मचारी आयोगाच्या बैठकीमध्ये सफाई कर्मचाऱ्यांच्या वार्षिक सुट्ट्यांची माहिती मागवण्यात आली होती. महापालिकेत सफाई कामगारांना सुट्ट्या दिल्या जात नाहीत, काम केले तर त्याचा मोबदलाही दिला जात नाही अशा तक्रारी केल्या होत्या. ही माहिती तपासल्यानंतर त्यात तथ्य आढळून आले आहे..त्यामुळे सफाई कर्मचारी आयोगाने सर्व शासकीय सुट्ट्या, दुसरा व चौथा शनिवारी सफाई कामगारांना सुट्टी देण्याचा निर्देश दिले होते. मात्र सफाई विभागाला पाच दिवसांचा आठवडा लागू करणे शक्य नव्हते. त्यामुळे महापालिकेने सुट्टीच्या दिवशी कामगाराने काम केल्यास त्याला त्याबदल्यात अतिरिक्त मोबदला देण्याचा निर्णय करण्यात आला..त्यानुसार दीड दिवसाचे वेतन या कर्मचाऱ्यांना मिळणार आहे. हा प्रस्ताव स्थायी समितीच्या बैठकीत मंजूर केला होता. त्यानंतर सर्व साधारण सभेने यास मान्यता दिली. या निर्णयामुळे वेतनाच्या वार्षिक खर्चात साडेतीन ते चार कोटी रुपयांची वाढ होणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
