वळती-नागापूर पुलाला जोडणाऱ्या रस्त्याचे सुरु | Sakal
sakal

बोलून बातमी शोधा

वळती-नागापूर पुलाला
जोडणाऱ्या रस्त्याचे सुरु
दौंड ते भिगवण लोकल सुरू करा डते भिगवण लोकल सुरू करण्याची मागणी

वळती-नागापूर पुलाला जोडणाऱ्या रस्त्याचे सुरु

sakal_logo
By

निरगुडसर, ता ८ : नागापूर गावाच्या बाजूने पुलाला जोडणाऱ्या रस्त्याच्या दुरवस्थेबाबत ‘सकाळ’ने वारंवर पाठपुरावा केला होता. तसेच वळती येथील सामाजिक कार्यकर्ते धोंडिभाऊ भोर व ग्रामस्थांनी आंदोलन करण्याचा इशाराही दिला होता. याची दखल प्रशासनाने अखेर रस्त्याच्या कामाला सुरुवात केली आहे. यामुळे ग्रामस्थांमधून समाधान व्यक्त होत आहे.

वळती-नागापूर या गावांबरोबर परिसरातील वाहतुकीचा प्रश्न सुटण्यासाठी तत्कालीन अर्थमंत्री व सध्याचे राज्याचे गृहमंत्री दिलीप वळसे पाटील यांनी २००९ मध्ये या पुलासाठी २ कोटी ७५ लाख रुपयांचा निधी उपलब्ध दिली. त्यानंतर हे काम पूर्ण झाले. वळती गावाच्या बाजूकडून पुलाला जोडणाऱ्या रस्त्याचे काम पूर्ण झाले. यामुळे नागापूर, वळती, शिंगवे, भागडी, पिंपरखेड, औरंगपूर, मंगरूळ-पारगाव या गावांतील ग्रामस्थांची ये-जा करण्यासाठी मार्ग उपलब्ध झाला होता. मात्र, नागापूर बाजूकडील पुलाला जोडणारा रस्ता खड्ड्यात व चिखलात गेल्याने ग्रामस्थांना धोकादायक प्रवास करावा लागत होता. या मार्गावर अनेक वाहनांचे अपघातही झाले होते.
या समस्येबाबत ‘सकाळ’ने अनेक वेळा वृत्त प्रसिद्ध केले. कृषी उत्पन्न बाजार समितीचे सभापती देवदत्त निकम यांच्यासह सामाजिक कार्यकर्ते धोंडिभाऊ भोर, भाऊसाहेब भापकर, सरपंच आनंद वाव्हळ, उपसरपंच संदीप पवार, बाळासाहेब बोऱ्हाडे व ग्रामस्थांनी गृहमंत्री दिलीप वळसेपाटील, जिल्हाधिकारी डॉ. राजेश देशमुख, तहसीलदार रमा जोशी यांची भेटी घेऊन रस्त्याबाबत व्यथा मांडली होती. तसेच सार्वजनिक बांधकाम व भुमिलेख विभागाचे अधिकाऱ्यांकडेही पाठपुरावा केला होता. याची दखल घेत प्रशासनाने या रस्त्याच्या कामाला नुकतीच सुरुवात केली आहे.


rjn 08 p01

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top