जाधव महाविद्यालयास १०५६ पुस्तके भेट

आळेफाटा, ता. १२ : आळे (ता.जुन्नर) येथील ज्ञानेश्वर ग्रामोन्नती मंडळ- आळे संचलित बाळासाहेब जाधव कला, वाणिज्य व विज्ञान महाविद्यालयास शिवप्रेरणा ज्ञानामृत प्रबोधिनी संस्थेकडून १०५६ पुस्तके भेट देण्यात आली, अशी माहिती महाविद्यालयाचे प्राचार्य डॉ.प्रवीण जाधव व एस.बोरकर यांनी दिली.

पुस्तके भेट देताना प्रमुख पाहुणे म्हणून शिव प्रेरणा ज्ञानामृत प्रबोधिनी संस्थेचे अध्यक्ष प्रफुल्ल शिवगण हे उपस्थित होते. यावेळी संस्थेचे अध्यक्ष भाऊदादा कुऱ्हाडे, उपाध्यक्ष उल्हास सहाणे, खजिनदार रोहिदास पाडेकर, सचिव बाळासाहेब गुंजाळ, महाविद्यालय विकास समितीचे अध्यक्ष अर्जुन पाडेकर, शालेय व्यवस्थापन समितीचे अध्यक्ष संपत गुंजाळ, किशोर कुऱ्हाडे, प्रसन्न डोके, माउली कुऱ्हाडे, जी.एल.गुंजाळ, संचालक अरुण हुलवळे, बबन सहाने, राजु कुऱ्हाडे, तुकाराम गाढवे, सुनील सहाने आदी मान्यवर उपस्थित होते.

यावेळी शिवगण म्हणाले, की पुस्तक देणगी मोहिमेअंतर्गत शिवप्रेरणा प्रबोधिनी संस्था ग्रामीण भागामध्ये शैक्षणिक क्रांती व्हावी. यासाठी दरवर्षी शाळा, महाविद्यालयास पुस्तकांच्या स्वरूपात देणगी देते. संस्था पुस्तक दान मोहीम मागील वर्षापासून राबवत आहे. लोकसहभागातून जमा केलेली पुस्तके ग्रंथालयांना दान केली जातात.
डॉ. बाबासाहेब आंबेडकर यांना कोळुस्कर सरांनी दिलेले ''बुद्ध चरित्र'' तर महात्मा ज्योतिराव फुले यांनी थॉमस पेन या अमेरिकन लेखकाचे ''राईट ऑफ मॅन'' या पुस्तकांचे वाचन केल्यामुळे असामान्य कर्तृत्व करू शकले असे त्यांनी सांगितले.
कार्यक्रमाच्या यशस्वीतेसाठी प्रा. संजय वाकचौरे सर, प्रा. नूतन जोशी, प्रा. दाते , प्रा.संध्या बेलकर , प्रा. निघोजकर आणि प्रा. वामन तर शिक्षकेतर कर्मचारी यामध्ये सोमनाथ तितर, गोविंद गाढवे, जितेंद्र शिंदे, तुकाराम सहाणे आणि सचिन जठार यांनी सहकार्य केले. कार्यक्रमाचे प्रास्ताविक डॉ. मनोहर कानवडे, यांनी केले तर आभार सहा.ग्रंथपाल प्रा.सीमा औटी यांनी मानले.