निरगुडे येथे आढळले बिबट्याचे बछडे | Sakal
sakal

बोलून बातमी शोधा

निरगुडे येथे आढळले बिबट्याचे बछडे
निरगुडे येथे आढळले बिबट्याचे बछडे

निरगुडे येथे आढळले बिबट्याचे बछडे

sakal_logo
By

आपटाळे, ता. २ : जुन्नर तालुक्यातील निरगुडे येथे उसाची तोडणी सुरू असताना बिबट्याचे दोन बछडे ऊस तोडणी कामगारांना आढळून आल्याची घटना रविवार (ता. २) रोजी सकाळी ९ च्या सुमारास घडली. वनविभागाच्या कर्मचाऱ्यांनी तातडीने घटनास्थळी भेट देऊन या बछड्यांना संरक्षण दिले.
निरगुडे येथे शंकर रोकडे यांच्या मालकीच्या गट नंबर १०४० या क्षेत्रातील उसाची तोडणी सध्या सुरू आहे. या भागात बिबट्याचा वावर असल्याने तसेच बिबट्याचे बछडे असल्याचा संशय शंकर रोकडे यांना आल्याने त्यांनी तोड सुरू असतानाच वनविभागाला याबाबत कळवले. वनविभागाच्या कर्मचाऱ्यांनी सुरक्षितता बाळगण्याचे आवाहन ग्रामस्थांना केले होते. रविवार उसाची तोडणी सुरू असतानाच हे बछडे आढळून आले. एक महिने वयाची नर व मादी असे दोन बछडे आहेत. पशुवैद्यकीय अधिकारी डॉ. नीलेश बनगर, वनपाल शशिकांत मडके, वनरक्षक संजय गायकवाड यांनी या दोन बछड्यांना तत्काळ माणिकडोह येथील बिबट निवारा केंद्रात हलवले. सांयकाळी पुन्हा या बछड्यांना संबंधित ठिकाणी नेणार असून मादी व बछड्याची भेट होईल असा अंदाज आहे.
गेल्या अनेक महिन्यांपासून या परिसरात बिबट्यांचा मुक्त वावर मोठ्या प्रमाणावर आहे. बिबट्याच्या वावरामुळे परिसरातील नागरिकांमध्ये भीतीचे वातावरण निर्माण झाले असून वनविभागाने तातडीने पिंजरा लावावा अशी मागणी राजेश शिंदे, सुभाष रोकडे, सिद्धार्थ बोडके यांसह ग्रामस्थांनी केली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top