कांजळे येथील काळूबाईची यात्रा रद्द | Sakal
sakal

बोलून बातमी शोधा

कांजळे येथील काळूबाईची यात्रा रद्द
कांजळे येथील काळूबाईची यात्रा रद्द

कांजळे येथील काळूबाईची यात्रा रद्द

sakal_logo
By

नसरापूर, ता. ११ ः कोरोना व ओमिक्रॉनच्या पार्श्वभूमीवर भोरचे प्रांताधिकारी राजेंद्र कचरे यांनी कांजळे (ता. भोर) येथील प्रसिद्ध काळूबाई देवीची यात्रा रद्द केली असून मंदिर व परिसरात १४४ कलम लागू केले आहे. या परिसरात गर्दी व वाहनांची वर्दळ करण्यास मज्जाव करण्यात आला आहे.
कांजळे येथील काळूबाईची यात्रा पौष पौर्णिमेपासून पुढील पंधरा दिवस चालते. येत्या १७ जानेवारीला पौष पौर्णिमा असून तेथून पुढे पंधरा दिवस यात्रा चालणार होती. या यात्रेस मोठ्या प्रमाणात भाविक उपस्थित असतात. तसेच भाविक नैवेद्य तयार करणे, जेवणाच्या पंगती घालणे यासाठी गर्दी करतात. कोरोना व ओमिक्रॉनच्या पार्श्‍वभूमिवर भोरचे प्रांताधिकारी कचरे यांनी आदेश जारी करत यात्रा रद्द केली आहे. १७ जानेवारीपासून १ फेब्रुवारीपर्यंत या भागात संचारबंदी लावण्यात आली आहे, तसेच परिसरातील लॉज व इतर ठिकाणी राहण्यास व यात्रा साजरी करण्यास देखिल बंदी घालण्यात आली आहे.
मंदिरात यात्रेच्या दिवशी फक्त पुजारी धार्मिक कार्यक्रम करतील. राजगड पोलिस ठाण्याचे निरीक्षक सचिन पाटील यांनी या बाबत भाविकांनी यात्रा रद्द झाल्याने या ठिकाणी गर्दी न करण्याचे आवाहन केले असून सदर आदेशाचे उल्लंघन करणाऱ्यावर कडक कारवाई करण्यात येईल असे सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top