विनाकारण हॉर्न वाजवणाऱ्यांवर कारवाईची मागणी | Sakal
sakal

बोलून बातमी शोधा

विनाकारण हॉर्न वाजवणाऱ्यांवर कारवाईची मागणी
विनाकारण हॉर्न वाजवणाऱ्यांवर कारवाईची मागणी

विनाकारण हॉर्न वाजवणाऱ्यांवर कारवाईची मागणी

sakal_logo
By

रांजणगाव गणपती, ता. ३१ : रांजणगाव (ता. शिरूर) परिसरात विनाकारण वाहनांचे हॉर्न वाजवून नागरिकांना त्रस्त करण्याचे काम केले जात आहे. त्यामुळे परिसरातील नागरिकांचे मानसिक आरोग्य बिघडत आहे. अशा वाहन चालकांवर कोणत्याही प्रकारची कारवाई केली जात नसल्याचे असे प्रकार वारंवार वाढत असल्याचे दिसून येत आहे. त्याकडे पोलिस प्रशासनाने लक्ष देत असे होत असलेले प्रकार रोखले पाहिजेत अशी मागणी परिसरातील नागरिकांची आहे. विनाकारण हॉर्न वाजवणाऱ्यांवर कडक कारवाई करत त्यांना दंड आकारल्यास अशा प्रकारांना आळा बसेल अशी मागणीही होत आहे. महामार्गालगत असलेल्या गावांमधील नागरिकांची डोकेदुखी वाढली असून हॉर्नच्या आवाजाचा परिणाम रूग्ण, ज्येष्ठ नागरिक, नवजात बालकांना होतो आहे. त्यामुळे विनाकारण हॉर्न वाजवणाऱ्यांवर कारवाई करावी अशी मागणी आंबेगाव शिरूर मतदार संघाचे राष्ट्रवादी काँग्रेसचे अध्यक्ष मानसिंग पाचुंदकर यांनी केली आहे.

पर्यावरण संरक्षण कायदा १९८६ च्या कलम १५ नुसार आवाजाची मर्यादा सायलेन्स झोनमध्ये ५०, निवासी झोनमध्ये ५५, व्यापारी क्षेत्रात ६५ आणि औद्योगिक क्षेत्रात ७५ डेसीबलपेक्षा कमी राखणे आवश्यक असते. या कायद्याचे उल्लंघन केल्यास पाच वर्षांची कैद किंवा एक लाख रूपयांची तरतूद आहे.
सुहास रोकडे, पोलिस उपनिरीक्षक, रांजणगाव गणपती पोलिस स्टेशन (ता. शिरूर)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top