वाघोलीत संगणक कक्षाचा प्रारंभ

केसनंद, ता. २९ : वाघोली येथील भारतीय जैन संघटनेच्या(बीजेएस) विद्यालयात अगस्त्या फाउंडेशन, स्मिथ ग्रुप, जॉन क्रेन कंपनी यांच्या संयुक्त विद्यमाने, विद्यालयात सुसज्ज व आधुनिक संगणक कक्षाचा प्रारंभ करण्यात झाला.
प्रकल्पांतर्गत विद्यालयास १२ संगणक संच, एलसीडी प्रोजेक्टर वेब कॅमेरे तसेच हेडफोनसह अद्ययावत संगणक साहित्य उपलब्ध करून देण्यात आले. यावेळी रमेश हिटनळी, व कुलदीप सिंग राठोर यांनी विद्यार्थ्यांच्या भावी शिक्षणासाठी अगस्त्या फाउंडेशन स्मिथ ग्रुप व जॉन क्रेन यांनी केलेल्या प्रकल्पाची माहिती दिली. विद्यालयातील विद्यार्थी श्रेया लोखंडे, सृष्टी होळकर या विद्यार्थीनींनी मनोगत व्यक्त केले. सूत्रसंचालन स्मिता शिंदे व अशोक स्वामी यांनी तर रेश्मा शितोळे यांनी आभार मानले.
यावेळी अगस्त्या आंतरराष्ट्रीय संस्थेचे क्षेत्रीय प्रमुख रमेश हिटनळी, प्रकल्प अधिकारी प्रकाश हांडे, कुलदीप सिंग राठोर, प्रकल्प व्यवस्थापक सुरेश साळुंके, प्राचार्य संतोष भंडारी, पिंपरी विद्यालयाचे प्राचार्य दिलीप देशमुख, पर्यवेक्षक पांडुरंग पवार आदी उपस्थित होते.