सुनेच्या मारहाणीत सासू जखमी

मंचर, ता. ७ : सुनेने डोक्यात कलथा मारुन सासूला जखमी केल्याची घटना मणिपूर-शेवाळवाडी (ता.आंबेगाव) येथे घडली. मंचर पोलिसांनी याप्रकरणी रेश्मा नीलेश थोरात हिच्यावर गुन्हा दाखल केला आहे. भामाबाई बाळू थोरात (वय ५५), असे जखमी झालेल्या महिलेचे नाव आहे. पती नीलेश व रेश्मा यांच्यात भांडणे सुरु होते. तेव्हा तुम्ही भांडण करू नका, असे भामाबाई समजावून सांगत होत्या. त्यावेळी चिडलेल्या रेश्माने भामाबाई यांना शिवीगाळ करून त्यांच्या डोक्यात कलथा मारला. त्या जखमी झाल्या असून त्यांच्यावर उपचार सुरु आहेत. भामाबाई यांनी मंचर पोलिस ठाण्यात फिर्याद दिली. पोलिस नाईक नंदकुमार घोडे तपास करत आहे.