मंचरमधील दोघांवर गुटखाप्रकरणी कारवाई

मंचर, ता. १२ : मंचर (ता. आंबेगाव) शहरात गुटखा पानमसाला व तंबाखूजन्य पदार्थ जवळ बाळगल्याप्रकरणी मंचर पोलिसांनी दोन जणांविरोधात कारवाई केली आहे. त्यांच्याकडून एकूण पाच हजार ४०९ रुपये किमतीचा मुद्देमाल जप्त केला आहे.
मंचर येथील छत्रपती शिवाजी महाराज चौक येथे सुजल पान स्टॉलमध्ये ओंकार राजेंद्र मिंढे (रा. निघोटवाडी, ता. आंबेगाव) याच्याकडे एक हजार ५७३ रुपये किमतीचा व शकील अब्दुल सत्तार इनामदार (रा. मंचर) याच्याकडे तीन हजार ८३६ रुपये किमतीचा गुटखा पानमसाला, तंबाखूजन्य पदार्थ पोलिसांना मिळाला. याबाबत महिला पोलिस मेघा शिंदे यांनी मिंढे व इनामदार यांच्या विरोधात मंचर पोलिस ठाण्यात फिर्याद दिली आहे. या प्रकरणी पुढील तपास पोलिस निरिक्षक सतीश होडगर यांच्या मार्गदर्शनाखाली सहायक पोलिस निरिक्षक लहू थाटे हे करत आहेत.