अरण येथे शनिवारी माळी समाज मेळावा

इंदापूर, ता. २४ ः राज्याचे उपमुख्यमंत्री अजित पवार यांच्या प्रमुख उपस्थितीत श्री क्षेत्र अरण (ता. माढा, जि. सोलापूर) येथे ३० एप्रिल रोजी दुपारी १२.३० वाजता राज्यस्तरीय माळी समाज मेळाव्याचे आयोजन करण्यात आले आहे. सावता परिषदेचे संस्थापक अध्यक्ष कल्याण आखाडे यांनी सांगितले की, मेळाव्यास उपमुख्यमंत्री अजित पवार, मंत्री छगन भुजबळ, मंत्री धनंजय मुंडे, पालकमंत्री दत्तात्रेय भरणे, राज्य महिला आयोगाच्या अध्यक्षा रूपाली चाकणकर यांचे मार्गदर्शन लाभणार आहे. या मेळाव्यास उपस्थित राहण्याचे आवाहन सावता परिषदेचे मुख्य प्रदेश संघटक संतोष राजगुरू, इंदापूर तालुकाध्यक्ष प्रकाश नेवसे यांनी केले आहे.